शहरं
Join us  
Trending Stories
1
तुळजापुरातील मंदिरात जिंतेंद्र आव्हाड समर्थक आणि सुरक्षारक्षकांमध्ये धक्काबुक्की, नेमकं काय घडलं?
2
काँग्रेसने ३००० मते खरेदी केली, भाजप निवडणूक आयोगात पोहोचला; २०१८ मध्ये CM सिद्धरामय्या १६९६ मतांनी विजयी झाले
3
पगार येताच, ५ मिनिटांनी कर्मचाऱ्याने राजीनामा दिला! एचआरची पोस्ट सोशल मीडियावर व्हायरल
4
पुन्हा आयएएस अधिकाऱ्यांच्या बदल्या! सात अधिकाऱ्यांचे खाते बदलले; कोणते खाते कोणाकडे?
5
India-China Flight: भारत - चीन दरम्यान लवकरच थेट विमानसेवा सुरू होणार; सरकारने विमान कंपन्यांना दिल्या या सूचना
6
जगदीप धनखड अचानक पंतप्रधान मोदींना का भेटले? काँग्रेसचा नवा दावा आणखी एक प्रश्न
7
केंद्र सरकारचा मोठा निर्णय; ४ सेमीकंडक्टर प्रकल्पांना मंजुरी, 'या' राज्यांमध्ये हजारो कोटींची गुंतवणूक
8
Aaditya Thackeray: "आम्ही काय खायचं, हे सांगणारे तुम्ही कोण?" आदित्य ठाकरे केडीएमसीवर भडकले!
9
आधी पत्नीचे नग्न फोटो काढले, मग बळजबरी बाप आणि मेहुण्यासोबत ठेवायला लावले संबंध; कारण...
10
"...त्यानंतरच होणार राज ठाकरेंना मविआत घेण्याचा निर्णय", काँग्रेसचे प्रभारी रमेश चेन्निथला स्पष्टच सांगितलं
11
महाराष्ट्राच्या पैठणीला लंडनमध्ये मोठा मान, व्हिक्टोरिया अल्बर्ट संग्रहालयामध्ये दिसणार!
12
आधारबाबत सुप्रीम कोर्टाचं सूचक विधान, बिहारमधील SIRवरून निवडणूक आयोगाला दिलासा 
13
कोण आहेत 'बेडरूम जिहादी', जे सुरक्षा यंत्रणेसाठी बनले डोकेदुखी?; भारतात दहशत पसरवण्याचा नवा डाव
14
बिहारपासून दिल्लीपर्यंत गोंधळ, अखेर १२४ वर्षांची महिला मतदार आली समोर, वयाबाबत म्हणाली...  
15
"शोना, मला मार" फक्त एवढेच ऐकताच प्रेयसीने प्रियकराचं डोकं भिंतीवर आपटलं, त्यानंतर जे घडले...
16
पाकिस्तानी दहशतवादी दक्षिण कोरियात पोहोचला, ओळख बदलून कंपनीत काम करत होता; दहशतवाद्याला अटक
17
"देवेंद्र फडणवीस मुख्यमंत्री आहेत की निवडणूक आयुक्त? प्रश्न आयोगाला विचारले तर तुम्ही उत्तर का देता?", रमेश चेन्निथला यांचा सवाल   
18
RCB मुळं वर्ल्ड कप स्पर्धेवर संकट! एम. चिन्नास्वामी स्टेडियमवर बंदी; BCCI सह ICC चं टेन्शन वाढलं
19
९ महिने पाठपुरावा केला तरीही ऊसाचे बिल थकवले; चिठ्ठी लिहून तरुण शेतकऱ्यानं आयुष्य संपवले
20
भारतासाठी धोक्याची घंटा; चीन LAC जवळ उभारतोय नवीन रेल्वे प्रकल्प, तणाव वाढणार..?

नागपूर मेट्रोसाठी ९७५ कोटींचा करार

By admin | Updated: November 18, 2016 02:56 IST

नागपूर मेट्रो प्रकल्पासाठी केंद्रीय आर्थिक व्यवहार विभाग आणि फ्रान्स डेव्हलपमेंट एजन्सी (एएफडी) बँक यांच्यात गुरुवारी ९७५ कोटींचा करार झाला.

२० वर्षे मुदतीसाठी कर्ज : प्रकल्प सौर ऊर्जेवरनागपूर : नागपूर मेट्रो प्रकल्पासाठी केंद्रीय आर्थिक व्यवहार विभाग आणि फ्रान्स डेव्हलपमेंट एजन्सी (एएफडी) बँक यांच्यात गुरुवारी ९७५ कोटींचा करार झाला. ‘एएफडी’कडून मिळणाऱ्या कर्जाचा कालावधी २० वर्षे राहणार आहे. नवी दिल्लीतील नॉर्थ ब्लॉक येथील केंद्रीय आर्थिक विकास विभागाच्या कार्यालयात आयोजित बैठकीत केंद्रीय आर्थिक विकास विभागाचे सहसचिव एस. सेल्वा कुमार, भारतातील फ्रान्सचे राजदूत अलेक्झेंडर झिग्लर आणि एएफडी बँक समूहाचे दक्षिण आशिया विभागाचे संचालक निकोलस फॉरेन्ज यांनी करारावर स्वाक्षऱ्या केल्या. यावेळी केंद्रीय नगरविकास विभाग मंत्रालयाच्या मेट्रो रेल्वे प्रकल्प विभागाचे संचालक जनार्दन प्रसाद, नागपूर मेट्रो रेल कॉर्पोरेशन लिमिटेडचे (एनएमआरसीएल) व्यवस्थापकीय संचालक बृजेश दीक्षित यांच्यासह वरिष्ठ अधिकारी उपस्थित होते. शहराची वाहतूक व्यवस्था बळकट होणारअलेक्झेंडर झिग्लर यावेळी म्हणाले, नागपूर मेट्रोला निधी उपलब्ध करून देताना आम्हाला आनंद होत असून मेट्रोच्या प्रत्यक्ष परिचलनामुळे शहराची वाहतूक व्यवस्था अधिक बळकट होणार आहे. फ्रान्स देश वातावरण बदलाचा पक्षधर असून नागपूर मेट्रोचे बहुतांश परिचलन सौर ऊर्जेवर चालणार असल्याने आमची पसंती नागपूर मेट्रोला राहिली आहे. नागपूर मेट्रोच्या कामासाठी त्यांनी शुभेच्छा दिल्या. याआधी बेंगळुरू आणि कोची मेट्रोसाठी फ्रान्सने कर्ज उपलब्ध करून दिले आहे. करारामुळे भारत आणि फ्रान्सदरम्यान संबंध अधिक दृढ होण्यास मदत होणार असल्याचे झिग्लर म्हणाले. मेट्रो रेल्वेच्या कामाला गती येणारबृजेश दीक्षित म्हणाले, करारामुळे फ्रान्स डेव्हलपमेंट एजन्सी बँकेकडून नागपूर मेट्रोच्या महत्त्वाच्या कामांसाठी निधी उपलब्ध होण्याचा मार्ग प्रशस्त झाला आहे. त्यामुळे मेट्रोच्या कामाला गती येणार असून प्रकल्प वेळेत पूर्ण होण्यास मदत होईल. नागपूर मेट्रोचे काम प्रगतिपथावर असून आतापर्यंत २० टक्के काम पूर्ण झाले आहे. नागपूर मेट्रो रेल्वेच्या परिचलनासाठी एकूण विजेच्या दोन तृतीयांश वीज सौर ऊर्जेच्या माध्यमातून उपलब्ध करण्यात येणार आहे. अशा पद्धतीचा भारतातील हा पहिला प्रकल्प असणार आहे. यातून मोठ्या प्रमाणात ऊर्जेची बचत होईल. नागपूर मेट्रोसाठी जागतिक स्तरावरील उत्तम तंत्रज्ञानाचा उपयोग करण्यात आला आहे. सुरक्षेची पूर्ण काळजी घेण्यात आली असल्याचे त्यांनी सांगितले. करारासाठी महाराष्ट्र शासन, केंद्रीय नगरविकास मंत्रालय आणि केंद्र सरकारच्या आर्थिक व्यवहार विभाग आणि एएफडी बँक समूहाचे त्यांनी आभार मानले. विविध कामे मार्गी लागणारकरारानुसार नागपूर मेट्रोच्या कामांसाठी एएफडी बँक २० वर्षे मुदतीसाठी ९७५ कोटी रुपये (१३० मिलियन युरो) कर्ज स्वरूपात देणार आहे. कर्ज रूपाने उपलब्ध होणाऱ्या रकमेतून नागपूर मेट्रोचे सिग्नलिंग, टेलिकॉम, आॅटोमॅटिक फेअर कलेक्शन सिस्टीम (एएफसी), लिफ्ट आणि एस्केलेटर आदी कामे करण्यात येणार आहे. नागपूर मेट्रो रेल्वे कॉपोर्रेशन लिमिटेड आणि केएफडब्ल्यू बँक यांच्यादरम्यान प्रकल्प करार होणार आहे. याबाबत लवकरच निर्णय घेण्यात येईल. कराराचे स्थळ व तारीख लवकरच निश्चित होणार असल्याचे दीक्षित यांनी सांगितले.