लोकमत न्यूज नेटवर्कनागपूर : महापालिका निवडणुकीसाठी ३८ प्रभागांतून दाखल झालेल्या १३७४ उमेदवारी अर्जाची बुधवारी सर्व १० निवडणूक निर्णय अधिकारी कार्यालयात छाननीची प्रक्रिया पार पडली. यात विविध कारणाने ८० उमेदवारांचे अर्ज अवैध ठरले आहेत. त्यामुळे रिंगणात १२९४ उमेदवार शिल्लक राहिले आहेत. परंतु अर्ज माघारीनंतर नेमके किती जण निवडणूक लढवणार, हे स्पष्ट होईल.
महापालिका निवडणुकीत यंदा उमेदवारांचा चांगलाच उत्साह दिसत आहे. प्रत्येकाने आपापले अर्ज दाखल करण्यापूर्वी त्याची चांगल्या तज्ज्ञांकडून तपासणी करून घेतली. काहींनी तर वरिष्ठ अधिकाऱ्यांकडूनच तपासणी करून घेतल्याने राष्ट्रीय पक्षांच्या उमेदवारांचे बहुतांश उमेदवारांचे अर्ज छाननीच्या प्रक्रियेत वैध ठरले आहेत. शुक्रवारी (२ जानेवारी) उमेदवारी अर्ज माघार घेण्यासाठी मुदत देण्यात आली आहे. त्यामुळे या प्रक्रियेनंतरच खरे उमेदवार किती, याचा अंदाज येणार आहे. दरम्यान, बुधवारी झालेल्या छाननीमध्ये महापालिकेच्या मंगळवारी झोनमधील सर्वाधिक १८ उमेदवारांची अर्ज बाद ठरले आहेत. तर सर्वात कमी गांधीबाग झोनमधील फक्त एक अर्ज बाद ठरला आहे.
आशीनगरात १८० उमेदवारी अर्ज सर्वाधिक
१५१ जागांसाठी १३७४ उमेदवारी अर्ज दाखल करण्यात आले आहेत. यात सर्वाधिक १८८ उमेदवारी अर्ज आशीनगर झोनमध्ये दाखल करण्यात आले आहेत. यातील ८ अर्ज बाद ठरल्यानंतरही १८० अर्ज वैध ठरले आहेत. सर्वात कमी ७८ उमेदवारी अर्ज लक्ष्मीनगर झोनधून दाखल करण्यात आले असून, ३ अर्ज बाद ठरले तर प्रभागात ७५ अर्ज वैध ठरले आहेत.
झोन अवैध अर्ज वैध अर्ज
- लक्ष्मीनगर ३ ७५
- धरमपेठ १६ १०७
- हनुमाननगर १४ ११३
- धंतोली ७ १२२
- नेहरूनगर ५ १४४
- गांधीबाग १ १३९
- सतरंजीपुरा ४ १२४
- लकडगंज ४ १३७
- आशीनगर ८ १८०
- मंगळवारी १८ १५३
- एकूण ८० १२९४
Web Summary : During scrutiny for Nagpur Municipal Corporation elections, 80 applications were rejected, leaving 1294 candidates. The final number contesting will be clear after withdrawals. A total of 1374 applications were received for 151 seats across 38 wards. Aashinagar zone has the most valid applications.
Web Summary : नागपुर महानगरपालिका चुनाव के लिए जांच में 80 आवेदन खारिज हुए, अब 1294 उम्मीदवार हैं। नाम वापसी के बाद अंतिम तस्वीर स्पष्ट होगी। 38 वार्डों की 151 सीटों के लिए कुल 1374 आवेदन प्राप्त हुए थे। आशीनगर जोन में सबसे अधिक वैध आवेदन हैं।