योगेश पांडे, लोकमत न्यूज नेटवर्क, नागपूर : राज्यातील परिवहन व्यवस्था आणखी सक्षम करण्यासाठी वर्षभरात ८ हजार नवीन एसटी बसेस घेण्यात येणार आहेत. तीन हजार बसेसची निविदा प्रक्रिया पूर्ण झाली असून या वर्षात उर्वरित बसेसची प्रक्रियादेखील पूर्ण करण्यात येईल, अशी माहिती परिवहन मंत्री प्रताप सरनाईक यांनी दिली. विधानपरिषदेत प्रश्नोत्तराच्या तासाला भाई जगताप, बंटी पाटील यांनी राज्य मार्ग परिवहन महामंडळाच्या कामगारांची प्रलंबित देयके अदाय करण्याबाबत तारांकित प्रश्न मांडला होता. त्याच्या उत्तरादरम्यान सरनाईक यांनी ही माहिती दिली.
एसटी सेवा ही कुठल्याही प्रकारच्या फायद्यासाठी चालविली जात नाही. शासनाच्या विविध योजनांमुळे उलट महामंडळाला नुकसानच सहन करावे लागते. मात्र जनतेचे हित जास्त महत्त्वाचे आहे. २०४७ पर्यंत डिझेलवरील सर्व बसेसची जागा इलेक्ट्रीक बसेस घेतील. तसेच दोन महिन्यांत राज्यातील २१६ एसटी डेपोच्या विकासाची प्रक्रिया सुरू होईल. पीपीपी मॉडेलअंतर्गत हा विकास होईल. २०२९ पर्यंत राज्यातील सर्व एसटी डेपोंचा कायापालट करण्यात येईल, असे सरनाईक यांनी स्पष्ट केले.
एसटी महामंडळात कर्मचाऱ्यांचा तुटवडा आहे व कामगारांना डबल शिफ्टदेखील करावी लागते. मात्र तात्पुरत्या पद्धतीवर अडीच हजार चालक घेण्यात येतील व लवकरच कायमस्वरुपी भरती प्रक्रिया राबविण्यात येईल. पुरवणी मागण्यांमध्येदेखील महामंडळाला २ हजार ८९३ कोटी रुपये मिळणार आहे. त्यातील बहुतांश निधी कामगारांचे वेतन व थकीत देयके अदा करण्यासाठी वापरण्यात येईल, असे सरनाईक यांनी सांगितले.
Web Summary : To strengthen transportation, 8,000 new ST buses will be added. Tenders for 3,000 buses are complete. All diesel buses will be replaced by electric by 2047. 216 ST depots will be developed via PPP model. Employee shortages addressed by temporary hires and permanent recruitment, with funds allocated for salaries.
Web Summary : परिवहन को सुदृढ़ करने के लिए 8,000 नई एसटी बसें जोड़ी जाएंगी। 3,000 बसों के लिए निविदाएं पूरी हुईं। 2047 तक सभी डीजल बसें इलेक्ट्रिक बसों से बदल दी जाएंगी। पीपीपी मॉडल के माध्यम से 216 एसटी डिपो विकसित किए जाएंगे। अस्थायी भर्तियों और स्थायी भर्ती द्वारा कर्मचारी कमी को दूर किया गया, वेतन के लिए धन आवंटित।