लोकमत न्यूज नेटवर्कनागपूर : अधिवेशन ८ डिसेंबरपासून नागपूर येथे सुरू झाले. रविवारी अधिवेशनाच्या समारोपप्रसंगी विधानसभा अध्यक्ष अॅड. राहुल नार्वेकर यांनी कामकाजाचा आढावा घेताना सांगितले की, सात दिवस चाललेल्या हिवाळी अधिवेशनात एकूण ७२.३५ तास कामकाज झाले. त्यामुळे विधिमंडळाचे हिवाळी केवळ १० मिनिटांचा वेळ वाया गेला असून, दररोज सरासरी १०.२२ तास सभागृहात कामकाज झाले.
सरकारतर्फे मंजुरीसाठी १८ विधेयके सभागृहात मांडण्यात आली होती. त्यापैकी १६ विधेयके मंजूर करण्यात आली. तसेच विधानपरिषदेतून मंजूर झालेल्या ४ विधेयकांना मान्यता देण्यात आली. गैरसरकारी २१ विधेयके सादर झाली, त्यापैकी ८ विधेयके मंजूर करण्यात आली. एकूण १२ शोक प्रस्ताव मांडण्यात आले. प्राप्त झालेल्या ७,२८६ तारांकित प्रश्नांपैकी २१५ प्रश्नांना मान्यता देण्यात आली. २७ प्रश्नांवर सभागृहात चर्चा झाली. १,८६८ लक्षवेधीतून २९९ सूचना मंजूर झाली.
नियम २७ अंतर्गत २७ प्रस्ताव प्राप्त झाले. मात्र, त्यापैकी एकावरही चर्चा होऊ शकली नाही. तर नियम २९३ अंतर्गत आलेल्या २ प्रस्तावांना मंजुरी देऊन त्यावर सभागृहात चर्चा झाली. सभागृहात सदस्यांनी 'वंदे मातरम्' या गीताचे सामूहिक गायन केले. सदस्यांची कमाल उपस्थिती ९०.८० टक्के, तर किमान उपस्थिती ४३.८५ टक्के होती. अशा प्रकारे सरासरी ७५.९४ टक्के सदस्य दररोज हिवाळी अधिवेशनात सभागृहात उपस्थित होते.
Web Summary : The Maharashtra winter session saw 72.35 hours of work over seven days. Sixteen bills were passed, along with four from the Legislative Council. Members achieved an average attendance of 75.94% during the session, addressing key legislative matters.
Web Summary : महाराष्ट्र के शीतकालीन सत्र में सात दिनों में 72.35 घंटे काम हुआ। विधान परिषद से चार के साथ सोलह विधेयक पारित किए गए। सदस्यों ने सत्र के दौरान औसतन 75.94% उपस्थिति दर्ज की, जिसमें महत्वपूर्ण विधायी मामलों को संबोधित किया गया।