नागपूर : केंद्रीय प्रवेश समितीअंतर्गत अकरावी प्रवेशाची ऑनलाइन प्रक्रिया गुरुवार, २६ जूनपासून पुन्हा वेग घेणार आहे. २६ तारखेला विद्यार्थ्यांना अलाॅट झालेल्या महाविद्यालयांची यादी जाहीर हाेणार आहे. २७ पासून पहिली फेरी सुरू हाेणार असून, विद्यार्थी प्रत्यक्ष मिळालेल्या महाविद्यालयात जाऊन प्रवेश करू शकतील.
अकरावीची ऑनलाइन प्रवेश प्रक्रिया १९ मेपासून सुरू करण्यात आली हाेती. सराव नाेंदणीनंतर २१ मेपासून प्रत्यक्ष नाेंदणी सुरू हाेणार हाेती. मात्र, पहिल्याच दिवशी शिक्षण विभागाचे संकेतस्थळ ठप्प पडले आणि प्रक्रिया खाेळंबली. पुढे २६ मेपासून पुन्हा नाेंदणी सुरू करण्यात आली. ३ जूनपर्यंत असलेली मुदत पुढे ५ जून व नंतर ८ जूनपर्यंत वाढविण्यात आली. ११ व १२ जूनला महाविद्यालयीन काेटा प्रवेश घेण्यात आले. १४ जूनपासून सामान्य प्रवेश सुरू हाेणार हाेते. मात्र, शिक्षण विभागाने प्रवेश प्रक्रिया तब्बल १०-१२ दिवस पुढे ढकलली. म्हणजे १३ मे राेजी जाहीर झालेल्या दहावीच्या निकालाला तब्बल दीड महिना लाेटल्यानंतर आता कुठे अकरावीच्या प्रवेश प्रक्रियेला सुरुवात हाेणार आहे.
२७ जून ते ३ जुलैपर्यंत प्रवेशाची पहिली फेरी चालणार आहे. या काळात विद्यार्थी मिळालेल्या महाविद्यालयात जाऊन प्रवेश करू शकतील. ज्यांना पसंतीचे महाविद्यालय मिळाले नाही, ते विद्यार्थी दुसऱ्या फेरीसाठी लाॅगीनमध्ये नाेंद करू शकतील. या काळात नवीन विद्यार्थी नाेंदणी करू शकतील आणि भाग १ लाॅक करतील. विद्यालयांनी काेटा प्रवेशानंतर रिक्त राहिलेल्या जागा कॅप राउंडमध्ये प्रत्यार्पित करायच्या आहेत. ४ जुलै राेजी रिक्त जागा प्रदर्शित करून दुसऱ्या फेरीची प्रक्रिया सुरू हाेईल.
...असे आहे वेळापत्रक
- सध्या २४ व २५ जून राेजी विद्यार्थ्यांनी काेटा प्रवेशासाठी ऑनलाइन पसंती नाेंदविणे व लाॅक करणे.
- २६ जून : पाेर्टलवर विद्यार्थ्यांना अलाॅट झालेल्या महाविद्यालयांची यादी जाहीर करणे. लाॅगीनमध्ये तपशील दर्शविणे व विद्यार्थ्यांना माेबाइल संदेश पाठविणे.
- २७ जून ते ३ जुलै : प्रवेशाची पहिली फेरी. विद्यार्थ्यांनी मिळालेल्या महाविद्यालयात जाऊन प्रवेश घेणे.
- ३ जुलै रात्री ८:०० पर्यंत : विद्यालयांना प्रवेशित विद्यार्थ्यांची माहिती पाेर्टलवर अपलाेड करायची आहे.
- ४ जुलै राेजी रिक्त जागांची माहिती जाहीर केली जाईल.
नाेंदणी केवळ ४० हजारनागपूर जिल्ह्यात १९८ कनिष्ठ महाविद्यालयात अकरावी प्रवेशाच्या ९८ हजार जागा आहेत. त्यासाठी आतापर्यंत केवळ ४० हजाराच्या जवळपास विद्यार्थ्यांची नाेंदणी झाली आहे. पाॅलिटेक्निकच्या प्रवेश प्रक्रियेनंतर प्रवेश वाढतील, अशी अपेक्षा आहे. मात्र, यंदासुद्धा ५० टक्के जागा रिक्त राहतील, अशी शक्यता आहे.