मालेगावच्या सामान्य रुग्णालयात काम बंद आंदोलन

मालेगाव येथील सामान्य रूग्णालयातील महिला कर्मचाऱ्याला शिवीगाळ करुन गैरवर्तन करणाºया इब्राहीम मो. इम्रान याच्यावर कारवाई करावी या मागणीसाठी व या प्रकाराच्या निषेधार्थ सामान्य रूग्णालयातील कर्मचा-यांनी बुधवारी रूग्णालयाच्या प्रवेशद्वारावर काम बंद करुन धरणे आंदोलन केले. यावेळी वैद्यकीय अधीक्षक डॉ. किशोर डांगे यांना मागण्यांचे निवेदन सादर करण्यात आले.

एका रूग्णाला कुत्रा चावल्याने त्याला सामान्य रूग्णालयात उपचारार्थ दाखल केले होते. अधिपारिचारिका यांनी आवश्यक ते उपचार केले होते. तरी देखील मो. इब्राहीम मो. इम्रान यांनी शिवीगाळ करुन गैरवर्तन केले. या काळात सुरक्षा रक्षक हजर नसल्याने महिला कर्मचाºयांच्या सुरक्षेचा प्रश्न ऐरणीवर आला आहे. रुग्णांच्या नातेवाईकांकडून कायमच गैरवर्तणूक केली जाते. संबंधित इसमावर कारवाई करावी या मागणीसाठी सोमवारी रूग्णालयातील ५९ कर्मचाºयांनी अर्धा तास काम बंद आंदोलन केले. तसेच रूग्णालयाच्या प्रवेशद्वारावर धरणे आंदोलन केले. या आंदोलनात तुषार सूर्यवंशी, जी. आर. बैरागी, एस. पी. कांदे, प्रशांत सूर्यवंशी, टी. पी. सूर्यवंशी, एस. बी. कुलकर्णी आदिंसह कर्मचारी सहभागी झाले होते.