Jyoti Waghmare Shiv Sena Shinde Group News: राज्यसभेच्या निवडणुकीसाठी उमेदवारी देताना उपमुख्यमंत्री एकनाथ शिंदे यांनी सर्वांनाच आश्चर्याचा धक्का दिला. पक्षातील अनुभवी, बड्या नेत्यांच्या नावांची चर्चा सुरू असतानाच, डॉ. ज्योती वाघमारे यांना राज्यसभेचे तिकीट जाहीर केले. अत्यंत गरीब कुटुंबात जन्मलेल्या व सोलापूरच्या रस्त्यावर अनवाणी पायाने गल्लोगल्ली फिरणाऱ्या, अत्यंत साध्या पार्श्वभूमीतून आलेल्या आणि आपल्या वक्तृत्वाने अल्पावधीत ओळख निर्माण करणाऱ्या ज्योती वाघमारे यांना राज्यसभेची उमेदवारी मिळाली.
सोलापूरतून डॉ. ज्योती वाघमारे यांनी आपला प्रवास सुरू केला. त्यांचे वडील नागनाथ वाघमारे यांनी हॉटेलमध्ये वेटर आणि बांधकाम मजूर म्हणून काम करत असताना दलित पँथरच्या माध्यमातून सामाजिक लढा जिवंत ठेवला होता. हाच वारसा घेऊन ज्योती वाघमारे यांनी इंग्रजी साहित्यात पीएचडी प्राप्त केली. पाच भाषांवरील प्रभुत्व आणि आंबेडकरी चळवळीचा गाढा अभ्यास ही त्यांची मुख्य ओळख आहे.
लाडक्या बहिणीला उमेदवारी दिली आहे
नेमका वेळेला, नेमका विचार म्हणजे एकनाथ शिंदे. आम्ही मानसिक आणि राजकीय बळ ज्योती वाघमारे यांना दिले आहे. सर्वसामान्य शिवसैनिक जी एका छोट्या गावातून येते. कोणतीही राजकीय पार्श्वभूमी त्यांना नाही. पण, त्यांनी सभा गाजवल्या. शिवसेनेत येऊन मेहनत घेतली. त्यामुळे या सगळ्यांचा विचार करून निर्णय घेण्यात आला. ज्योती वाघमारे यांना राज्यसभेची उमेदवारी दिली आहे. एकनाथ शिंदे माझी लाडकी बहीण म्हणतात. लाडक्या बहिणीला उमेदवारी दिली आहे. ही निवडणूक बिनविरोध होण्यासाठी आम्ही प्रयत्न केला. या निवडणुकीत घोडेबाजार होणार नाही, याची आम्ही काळजी घेऊ. एकनाथ शिंदे सगळ्यांना सामावून घेतात. कोणी नाराज असेल तर त्यांची नाराजी एकनाथ शिंदे दूर करतील, असे संजय शिरसाट यांनी म्हटले आहे.
दरम्यान, गेल्या अडीच वर्षांत टीव्हीवरील चर्चासत्रे असोत किंवा दसरा मेळाव्यातील भाषणे, डॉ. वाघमारे यांनी उद्धव ठाकरे गट आणि महाविकास आघाडीच्या नेत्यांवर जोरदार प्रहार केले आहेत. विशेषतः आदित्य ठाकरे आणि संजय राऊत, सुषमा अंधारे यांच्या टीकेला सडेतोड उत्तर देणारा चेहरा म्हणून त्या पक्षात ओळखल्या जातात. आता हीच आक्रमकता त्या दिल्लीच्या संसदेत कशी गाजवतात, याकडे सर्वांचे लक्ष लागले आहे.
Web Summary : Shinde favored Waghmare, surprising many. Her humble background and strong oratory skills impressed. Waghmare, from a poor family, holds a PhD in English and is known for her sharp criticism of the Thackeray group.
Web Summary : शिंदे ने वाघमारे का समर्थन किया, कई लोग हैरान। उनकी विनम्र पृष्ठभूमि और वाक्पटुता ने प्रभावित किया। गरीब परिवार से वाघमारे अंग्रेजी में पीएचडी हैं और ठाकरे गुट की आलोचक हैं।