महाड (रायगड): महाड नगर पालिका निवडणुकीदरम्यान झालेल्या राडा प्रकरणामुळे चर्चेत असलेले आमदार भरत गोगावले यांचे चिरंजीव विकास गोगावले अखेर पोलिसांना शरण आले आहेत. मागील दीड महिन्यांपासून फरार असलेले विकास गोगावले आज महाड शहर पोलीस ठाण्यात स्वतःहून हजर झाले. न्यायालयाच्या कडक आदेशानंतर त्यांनी हे पाऊल उचलले आहे.
महाड नगर पालिका निवडणुकीच्या प्रचारादरम्यान दोन राजकीय गटांत मोठा राडा झाला होता. या हिंसाचार आणि राडा प्रकरणात विकास गोगावले यांच्यावर गंभीर गुन्हे दाखल करण्यात आले होते. या प्रकरणाचा तपास सुरू झाल्यापासून विकास गोगावले अटकेच्या भीतीने फरार होते. पोलिसांनी त्यांचा शोध घेण्यासाठी विविध ठिकाणी छापेमारी केली होती, मात्र ते सापडले नव्हते.
न्यायालयाचा अल्टिमेटमविकास गोगावले यांनी अटकेपासून संरक्षण मिळवण्यासाठी न्यायालयात धाव घेतली होती. मात्र, काल (२२ जानेवारी) न्यायालयाने त्यांना कोणताही दिलासा देण्यास नकार देत, तातडीने पोलिसांसमोर शरण येण्याचे आदेश दिले होते. मुलावर एवढे गंभीर गुन्हे असताना भरत गोगावले मंत्रिपदी कसे, असा सवाल उच्च न्यायालयाने उपस्थित केला होता. न्यायालयाच्या या आदेशानंतर त्यांच्यासमोर दुसरा कोणताही पर्याय उरला नव्हता.
राजकीय वातावरण तापलेआमदार भरत गोगावले हे सत्ताधारी पक्षातील वजनदार नेते असल्याने, त्यांच्या मुलाने पोलिसांसमोर केलेले आत्मसमर्पण हा महाडच्या राजकारणात मोठा चर्चेचा विषय ठरला आहे. आता पोलीस त्यांना अटक करून न्यायालयासमोर हजर करतील आणि त्यांची पोलीस कोठडी मागण्याची शक्यता आहे.
Web Summary : Vikas Gogawale, son of MLA Bharat Gogawale, surrendered to Mahad police after being on the run for a month and a half. He faces serious charges related to violence during municipal elections. The court had ordered his immediate surrender, questioning how Bharat Gogawale could hold a ministerial position given his son's charges.
Web Summary : विधायक भरत गोगावले के बेटे विकास गोगावले ने डेढ़ महीने तक फरार रहने के बाद महाड पुलिस के सामने आत्मसमर्पण कर दिया। उन पर नगर पालिका चुनावों के दौरान हिंसा से जुड़े गंभीर आरोप हैं। अदालत ने उन्हें तत्काल आत्मसमर्पण करने का आदेश दिया था, जिसमें सवाल किया गया था कि भरत गोगावले अपने बेटे के आरोपों को देखते हुए मंत्री पद कैसे धारण कर सकते हैं।