पुणो : भाषा वेगवेगळ्या असल्या, तरी संगीताची भाषा एकच असते, हे अनेकदा सिद्ध झाले आहे. आजही एका कार्यशाळेत वेगवेगळ्या भाषांतील गाण्यांना संगीताचा साज चढवताना हीच गोष्ट अधोरेखित झाली. निमित्त होते मॉडर्न महाविद्यालयाच्या जर्मन विभागातर्फे आयोजित केलेल्या पॉप संगीताच्या कार्यशाळेचे. या आगळ्यावेगळ्या कार्यशाळेचे वैशिष्टय़ हे, की यात शिकवणारा आणि शिकणारे या सगळ्यांनी मिळूनच प्रयोग केले.
भारतात जर्मन भाषेच्या प्रसाराला सुरुवात होऊन शंभर वर्षे झाली. त्या निमित्ताने जर्मन भाषा विभाग, फग्यरुसन आणि मॉडर्न महाविद्यालयाने काही कार्यक्रम आयोजित केले आहेत. ही कार्यशाळा हा त्याच उपक्रमाचा एक भाग होता. जर्मनीचे प्रथितयश कलाकार योहानेस होफमन यांनी ही कार्यशाळा घेतली. पॉप संगीत हे जर्मनीत आणि इतरत्रही लोकप्रिय आहे. या संगीतावर व्याख्यान देण्याऐवजी त्यांनी समोरच्या विद्याथ्र्याबराबेर प्रत्यक्ष संगीत देणोच पसंत केले. विद्याथ्र्याचे चार गट करून त्यांना एकाच पद्धतीच्या चालीत बसतील, असे शब्द त्यांनी लिहायला सांगितले. विषय होता प्रेमगीत. विद्याथ्र्यानी या विषयावर जर्मन, हिंदी, इंग्रजी आणि मराठी भाषेत प्रत्येकी चार ओळी लिहायच्या होत्या. या ओळी एकाच वेळी एकमेकांना पूरक
अशा चालीत बनवायची किमया त्यांनी अवघ्या काही मिनिटांत साधली. ही साधी, सोपी आणि तरीही आकर्षक चाल प्रत्येकाच्या ओठांवर रुळायला वेळ लागला नाही. एकाच वेळी चार भाषांतील प्रेमगीते पॉप संगीताच्या माध्यमातून ऐकणो हा एक वेगळा अनुभव होताच. या सगळ्या अनुभवात विद्यार्थी प्रत्यक्ष सहभागी झाल्याने त्याची रंगत आणखीनच वाढली. सुरुवातीला महाविद्यालयातील जर्मन विभागप्रमुख संजीवनी कुवळेकर यांनी स्वागत केले. या वेळी प्राचार्य राजेंद्र झुंजारराव उपस्थित होते. (प्रतिनिधी)
4योहानेस यांनी माध्यम विषयातील पदवी घेतली असली, तरी संगीत हेच त्यांचे विश्व आहे. पॉप ही त्यांची आवड असली, तरी त्यांनी भारतीय अभिजात संगीतासह सगळ्या प्रकारचे संगीत अनुभवले आहे. मुलांना व्याख्यान देण्याऐवजी त्यांना संगीतनिर्मितीच्या प्रक्रियेत सहभागी करून घ्यावे, ही त्यांचीच कल्पना. भारतात आणि पुण्यात ते दुस:यांदा येत आहेत. या वेळच्या उपक्रमात ते आपल्या आई- रेनेट होफमन यांच्याबरोबर सहभागी झाले आहेत.