यदु जोशी, लोकमत न्यूज नेटवर्क, मुंबई: ‘नन अदर दॅन अबाऊ’ म्हणजे नोटा. अर्थातच कोणताही उमेदवार पसंत नसेल तर मतदारांना नोटाचा पर्याय उपलब्ध असतो. २०१९ च्या विधानसभा निवडणुकीत ११ मतदारसंघ असे होते, की नोटावर जितकी मते पडली त्यापेक्षा विजयी उमेदवारांचे मताधिक्य हे कमी होते.
२०१९ मध्ये विधानसभेचे २० मतदारसंघ असे होते की ज्यात विजयी उमेदवारांच्या मताधिक्यापेक्षा ६८ ते १,९३६ कमी मते ही नोटाला मिळाली होती. एक उदाहरण द्यायचे तर सोलापूर जिल्ह्याच्या सांगोला मतदारसंघात शिवसेनेचे शहाजीबापू पाटील हे ७६८ मतांनी विजयी झाले. तेथे नोटावर ७०० मते पडली. म्हणजे मताधिक्यापेक्षा केवळ ६८ कमी मते नोटाला मिळाली होती. मुक्ताईनगरमध्ये (जि. जळगाव) अपक्ष चंद्रकांत निंबा पाटील हे १,९५७ मतांनी विजयी झाले होते. तेथे नोटाला १,८०६ मते मिळाली होती.
नोटाची सुरुवात कधी झाली?
नोटाचा पर्याय मतदारांना द्या, असा आदेश सर्वोच्च न्यायालयाने दिल्यानंतर २०१३ पासून ईव्हीएमवर नोटाचा पर्याय द्यायला सुरुवात झाली ती राजस्थान, मध्य प्रदेश, छत्तीसगड, मिझोराम व नवी दिल्लीच्या विधानसभा निवडणुकीपासून.
कोणत्या मतदारसंघातील मताधिक्य ‘नोटा’पेक्षा कमी?
मतदारसंघ विजयी उमेदवार मताधिक्य पक्ष नोटा मते१) उल्हासनगर कुमार आयलानी २,००४ भाजप ४,९७८ २) चांदिवली दिलीप लांडे ४०९ शिवसेना ३,३६० ३) अक्कलकुवा के.सी. पाडवी २,०९६ काँग्रेस ४,८५७ ४) बोईसर राजेश पाटील २,७५२ बविआ ४,६२२ ५) अर्जुनी मोरगाव मनोहर चंद्रिकापुरे ७१८ राष्ट्रवादी १,३२७ ६) खडकवासला भीमराव तापकीर २,५९५ भाजप ३,५६१ ७) कोपरगाव आशुतोष काळे ८२२ राष्ट्रवादी १,६२२ ८) दौंड राहुल कुल ७४६ भाजप ९१७ ९) डहाणू विनोद निकोले ४,७०७ माकप ४,८२४ १०) भिवंडी पूर्व रईस शेख १,३१४ सपा १,३५८ ११) अकोला पश्चिम गोवर्धन शर्मा २,५९३ भाजप २,६१७
'या' आमदारांच्या विजयात नोटा ठरले निर्णायक
चेतन तुपे (हडपसर- राष्ट्रवादी) - मताधिक्य - २,८२०, नोटा - २,४७४ I किशोर आप्पा पाटील (पाचोरा-शिवसेना) - मताधिक्य - २,०८४, नोटा - १,७२४ I माणिकराव कोकाटे (सिन्नर-राष्ट्रवादी) मताधिक्य - २,०७२, नोटा - १,७०९ I मदन येरावार (यवतमाळ-भाजप) - मताधिक्य - २,२५३, नोटा - १,७८५. I अमित झनक (रिसोड- काँग्रेस) मताधिक्य - २,१४१, नोटा - १,५३४ I हरीश पिंपळे (मूर्तिजापूर-भाजप) मताधिक्य - १,९१०, नोटा - १,२२५ I राम सातपुते (माळशिरस- भाजप) मताधिक्य - २,५९०, नोटा - १,८९९ I डॉ. संदीप धुर्वे (आर्णी - भाजप) मताधिक्य - ३,१५३, नोटा - २४११ I सुभाष धोटे (राजुरा-काँग्रेस) मताधिक्य - २५०१, नोटा - १५६३ I राजू पाटील (कल्याण ग्रामीण - मनसे) मताधिक्य - ७,१५४ नोटा - ६,०९२ I संदीप क्षीरसागर (बीड-राष्ट्रवादी) - १,९८४, नोटा - ८७४ I जयकुमार गोरे (माण-भाजप), मताधिक्य - ३,०४३, नोटा- १,५२५ I राजेश टोपे (घनसावंगी-राष्ट्रवादी) मताधिक्य - ३,४०९, नोटा - १,८४२ I मोहन मते (दक्षिण नागपूर-भाजप) मताधिक्य - ४,०१३, नोटा - २,३५३ I राजेंद्र राऊत (बार्शी - अपक्ष) - मताधिक्य - ३,०७६ नोटा - १,२५५ I विकास कुंभारे - (मध्य नागपूर-भाजप) मताधिक्य - ४,००८, नोटा - २,१४९ I संजय पोतनीस (कलिना - शिवसेना) मताधिक्य - ४,९३१, नोटा - ३,०१२ I फारूख अन्वर शहा - (धुळे शहर - एमआयएम) मताधिक्य - ३,३०७, नोटा - १,३७१.