मुंबई- मुंबई-पुणे द्रुतगती महामार्गावर शिवसंग्रामचे नेते विनायक मेटे यांच्या गाडीचा भीषण अपघात झाला आहे. या अपघातातविनायक मेटे गंभीर जखमी झाले असून त्यांना नवी मुंबईतील एमजीएम रुग्णालयात दाखल करण्यात आले आहे.
माडप बोगद्यामध्ये आज पहाटे साडेपाच वाजताच्या सुमारास विनायक मेटे यांच्या गाडीचा अपघात झाला. अपघातामध्ये विनायक मेटे यांना दुखापत झाली आहे. त्यांच्यावर सध्या नवी मुंबईतील एमजीएम रुग्णालयात क्रिटीकेयर युनिटमध्ये उपचार सुरू आहेत.त्यांची प्रकृती स्थिर असल्याची माहिती समोर आली आहे.
दरम्यान, या अपघाताचे नेमके कारण समजू शकलेले नाही. गाडीत काहीतरी तांत्रिक बिघाड झाल्यामुळे हा अपघात घडल्याची माहिती मिळत आहे. त्यांची एसयुव्ही कार रस्त्याकडेच्या डोंगराच्या कपारीला धडकल्याने हा अपघात झाल्याचे सांगण्यात येत आहे.