तिवसा (अमरावती) :
शिवसेनेचे सहसंपर्कप्रमुख दिनेशनाना वैकुंठराव वानखडे (५६, रा. तिवसा) यांचे ७ मार्च रोजी सायंकाळी ६ वाजता दरम्यान निधन झाले. शिवसेनेचे जिल्हाप्रमुख म्हणून त्यांनी अनेक वर्षे काम पाहिले. म्हाडाच्या अध्यक्षपदासह जिल्हा मध्यवर्ती सहकारी बँकेचे संचालकपदसुद्धा त्यांनी भूषविले. पाच-सहा दिवसांपूर्वी त्यांची प्रकृती खालावल्याने अमरावती येथे खासगी रुग्णालयात त्यांना दाखल करण्यात आले होते. मात्र, उपचाराला साथ न मिळाल्याने त्यांचा मृत्यू झाला. सोमवारी तिवसा येथे हिंदू स्मशानभूमीत त्यांच्या पार्थिवावर अंत्यसंस्कार करण्यात येणार आहे. त्यांच्या पश्चात पत्नी, दोन मुली व बराच मोठा आप्तपरिवार आहे.