ठळक मुद्देपाच रुपयात २० लीटर पाणीपाण्यासाठी गावकऱ्यांना दिले एटीएम कार्ड
राकेश बोरकुलवारलोकमत न्यूज नेटवर्कचंद्रपूर- जिल्ह्यातील सिंदेवाही तालुक्यात असलेल्या लोणवाही या गावात शुक्रवारी सकाळी शुद्ध पाण्याच्या एटीएमचे उदघाटन करण्यात आले. या गावात गढूळ व पिण्यास अयोग्य पाणी येत होते. त्यामुळे गावकऱ्यांना आरोग्याच्या समस्याही भेडसावत होत्या. या सर्व बाबींचा विचार करून येथील ग्रामपंचायतीने हे स्तुत्य पाऊल उचलले आहे. येथील सरपंच गणेश गोलपल्लीवार व ग्रामसेविका मीनाक्षी बन्सोड यांच्या पुढाकारातून हे पाण्याचे एटीएम साकार झाले आहे.या ठिकाणी गावकऱ्यांना अवघ्या ५ रुपयात २० लीटर पाणी मिळणार आहे. त्यासाठी त्यांनी सर्व गावकऱ्यां
ना एक एटीएम कार्डही दिले आहे. या कार्डाचा वापर करून पाणी वाटप केले जाणार आहे.