पुणो : केंद्रीय रस्ते वाहतूक मंत्री नितीन गडकरी यांनी पुणो मेट्रोबाबत अटींची पूर्तता झाली नसल्याचा दावा केला. मात्र, पुणो महापालिकेने तीन आठवडय़ांपूर्वीच 1क् अटींची पूर्तता करून अहवाल केंद्र शासनाला पाठविल्याचा दावा केला आहे. त्यावरून मुख्यमंत्री पृथ्वीराज चव्हाण यांनी मेट्रोविषयी दुजाभाव केल्याच्या आरोपात तथ्य असल्याचे दिसून येत असून, पुणो मेट्रोबाबत महायुती व आघाडीत निव्वळ राजकारण सुरू असल्याचे स्पष्ट झाले आहे.
केंद्रात आघाडी सरकारची सत्ता असताना केंद्रीय नगरविकास मंत्री कमलनाथ यांनी पुणो व नागपूर महापालिकांना मेट्रोच्या अहवालात सुधारणा करून 1क् अटींची पूर्तता करण्याचे आदेश जानेवारी 2क्14 मध्ये दिले होते. त्यानंतर पुणो व नागपूर महापालिकांनी अटींची पूर्तता करून अहवाल केंद्र शासनाला पाठविला होता. मात्र, केंद्रात पंतप्रधान नरेंद्र मोदी सरकार सत्तेत आले. त्यानंतर गेल्या आठवडय़ात केवळ नागपूर मेट्रोला मंजुरी देण्याची घोषणा करण्यात आली. त्यावरून मुख्यमंत्री चव्हाण यांनी केंद्र शासनाच्या धोरणावर
टीका केली.
ते म्हणाले की केंद्र शासनाकडे पुणो व नागपूर मेट्रोचे प्रस्ताव एका वेळी पाठविले. मात्र, त्यामध्ये दुजाभाव करून केवळ नागपूर मेट्रोला मान्यता देण्यात आली. त्यामध्ये राजकारण केले जात असून, त्यामुळे राज्यात चुकीचा संदेश जात असल्याची टीका त्यांनी थेट नितीन गडकरी यांचे नाव न घेता केली होती. मात्र, पुणो महापालिका व राज्य शासनाने अटींची पूर्तता अद्याप न केल्यामुळे पुण्याच्या मेट्रोला मंजुरी मिळाली नाही. त्याचे अपयश मुख्यमंत्री आमच्यावर
ढकलत असल्याची टीका गडकरी यांनी सोमवारी पत्रकार परिषदेत
केली होती.
त्याविषयी अतिरिक्त आयुक्त ओमप्रकाश बकोरिया व अतिरिक्त नगर अभियंता श्रीनिवास बोनाला यांच्याकडून वस्तुस्थितीची माहिती घेतली. त्या वेळी ते म्हणाले, की राज्य शासनाच्या सूचनेनुसार केंद्र शासनाने दिलेल्या 1क् अटींची पूर्तता महापालिकेने केली आहे. त्यामध्ये नगरविकास, रेल्वे, नियोजन विभाग, आयबी व गृहनिर्माण याविषयीच्या अटी होत्या. त्यांची पूर्तता करून अहवाल 2 ऑगस्टला केंद्र शासनाला पाठविला आहे.
आठ ऑगस्टला त्यांना अहवाल प्राप्त झाला आहे. त्यामुळे पुणो मेट्रो प्रकल्पासंबंधी आता कोणतीही त्रुटी राहिलेली नाही. महापालिका प्रशासनाने अटींची पूर्तता केल्याचा दावा केल्याने गडकरी यांच्या आरोपात तथ्य नसल्याचे
स्पष्ट झाले आहे. त्यामुळे यामध्ये राजकारण झाले असल्याचे स्पष्ट होत आहे.(प्रतिनिधी)
एसपीव्हीची नोंदणी सुरू..
राज्य शासनाने मेट्रो प्रकल्पाच्या अंमलबजावणीसाठी स्पेशल पर्पज व्हेईकल (एसपीव्ही) स्थापनेचे आदेश दिले आहेत. मात्र, कंपनी कायद्यात बदल झाल्यामुळे नवीन कायद्यानुसार नोंदणी सुरू आहे. परंतु, एसपीव्ही नोंदणी प्रक्रियेचा व अटींच्या पूर्ततेचा संबंध नाही, असे प्रशासनाने स्पष्ट केले आहे.
मेट्रो प्रकल्पामध्ये राजकारण आणून दुजाभाव केला जात आहे. पुणो मेट्रो प्रकल्प व नागपूर मेट्रो प्रकल्प यांचे प्रस्ताव एकाच वेळी गेले मात्र, पुढे नागपूर मेट्रोला हिरवा कंदील मिळाला तर पुणो मेट्रो मात्र रखडली.