पुणे येथे गेल्या काही दिवसांपासून कांदा, टोमॅटोच्या दरात सुरू असलेली घसरण कायम आहे. इतर भाज्यांचे दर स्थिर आहेत. पावसाने ओढ दिल्याने पालेभाज्यांच्या दरात दहा ते वीस टक्क्यांनी वाढ झाली.
मंगळवारी कांद्याचे प्रतिक्विंटल दर ६०० ते १३००, बटाटा १३०० ते १८००, लसूण ८०० ते २६०० आणि ३ ते ६ हजार ६०० एवढे होते. गेल्या आठवड्यात अद्रकचे प्रतिक्विंटलचे दर २००० ते ५ हजार ८०० होते. मंगळवारी ३ हजार ते ६ हजारपर्यंत दर वाढले. वांगी, कारली, भेंडी, दोडका, हिरवी मिरची, सिमला मिरची आदी भाज्यांचेही दर स्थिर होेते.
पितृपंधरवडा संपल्याने भाज्यांची मागणी कमी झाल्याची माहिती पुणे जिल्हा कृषी उत्पन्न बाजार समितीच्या अधिकाऱ्यांनी सांगितले. येत्या आठवडाभरात पाऊस न झाल्यास भाज्यांचे दर वाढण्याची शक्यता आहे. ऐन सणासुदीच्या दिवसांत दर वाढणार असल्याने गृहिणी चिंताग्रस्त झाल्या आहेत.