नांदेड : विविध वाहनांचे पासिंग, ओव्हरलाेड वाहतूक राेखणे, महामार्गावरील वाहतुकीला शिस्त लावणे आदी प्रमुख जबाबदारी असलेल्या प्रादेशिक परिवहन खात्यात मनुष्यबळाचा सुधारित आकृतिबंध सादर करण्यात आला आहे. त्यात सर्वाधिक फटका हा सहायक माेटार वाहन निरीक्षक व लिपिक टंकलेखकांना बसणार आहे. त्याचवेळी डेप्युटी आरटीओची नऊ कार्यालये अपग्रेड केली जाणार आहेत. राज्यातील आरटीओ व डेप्युटी आरटीओ कार्यालयांचे नियंत्रण मुंबईतील परिवहन आयुक्तालयाकडून केले जाते. या विभागात मनुष्यबळाचा असमताेल आहे. गरजेची पदे कमी व काही पदे अनावश्यक वाढल्याचे निदर्शनास आल्याने मनुष्यबळाचा सुधारित आकृतिबंध तयार करण्यात आला आहे. परिवहन खात्याने या आकृतिबंधाला ग्रीन सिग्नल दिला असून, आता ताे मंजुरीसाठी सामान्य प्रशासन विभागाकडे गेल्याचे सांगितले जाते. परिवहन विभागात राज्यात अधिकारी व कर्मचाऱ्यांची मिळून एकूण ४ हजार २३५ पदे मंजूर आहेत; परंतु नव्या आकृतिबंधात ही संख्या तब्बल ३८२३ वर आणण्यात आली आहे. त्यात ४१२ ने घट झाली आहे. त्याचवेळी वाढलेली पदे व कमी झालेली पदे याची संख्या १ हजार ४० एवढी आहे. यात काही ठिकाणी वरिष्ठ अधिकाऱ्यांची व लिपिकवर्गीय पदे वाढली, तर कनिष्ठ अधिकाऱ्यांची कमी झाल्याचे दिसून येते. सर्वाधिक फटका हा लिपिक टंकलेखक-सहा. राेखपाल-कर अन्वेषक यांच्या ५२२ पदांना बसला आहे. त्या खालाेखाल सहायक माेटार वाहन निरीक्षकांची २०४ पदे नव्या आकृतिबंधात घटली आहेत. सहपरिवहन आयुक्तांची पाच, आरटीओची १२, तर सहायक प्रादेशिक परिवहन अधिकाऱ्याची तब्बल ७४ पदे वाढली आहेत.
ही कार्यालये हाेणार अपग्रेडराज्यात १५ प्रादेशिक परिवहन कार्यालये आहेत. त्यात आता आणखी नऊची भर पडणार आहे. पिंपरी चिंचवड, जळगाव, साेलापूर, अहमदनगर, पालघर, चंद्रपूर, अकाेला, बाेरिवली व सातारा या डेप्युटी आरटीओ कार्यालयांचा दर्जा वाढवून ताे आता आरटीओचा करण्याचे प्रस्तावित आहे.
अशी असेल रचना -सध्याची मंजूर पदे प्रस्तावित पदे कमी/वाढ परिवहन आयुक्त ०१ ०१ ००अपर परिवहन आयुक्त ०१ ०१ ००सहपरिवहन आयुक्त ०१ ०६ ०५प्रादे. परिवहन अधिकारी १६ २८ १२उपप्रादेशिक अधिकारी ५६ ६० ०४सहा. परिवहन अधिकारी १०० १७४ ७४माेटार वाहन निरीक्षक ८६७ ८६७ ००सहा. वाहन निरीक्षक १३०२ १०९८ -२०४प्रशासकीय अधिकारी १७ ६६ ४९कार्यालय अधीक्षक ६६ १७९ ११३वरिष्ठ लिपिक ३८३ ४४० ५७टंकलेखक १४२५ ९०३ -५२२एकूण ४२३५ ३८२३ १०४०