शहरं
Join us  
Trending Stories
1
"...तर राहुल गांधी दुसरे आंबेडकर सिद्ध होतील", ओबीसी समाजाला आवाहन करत काँग्रेसच्या मोठ्या नेत्याचं विधान
2
आयटी पार्क पुण्यातून बाहेर चालले..! अजित पवारांनी हिंजवडीच्या सरपंचांनाही सुनावले खडेबोल
3
ऑनलाईन मागवलं विष, दह्यामध्ये टाकून पतीला दोनदा पाजलं; पत्नीचा कारनामा पोलिसांनी केला उघड
4
२६ जुलै हा दिवस मुंबईकर कधीच विसरू शकत नाही! २० वर्षापूर्वी काय घडलं होतं त्या दिवशी?
5
Shravan 2025: शिवमंदिरात भाविक तीनदा टाळ्या का वाजवतात? काय आहे मान्यता? वाचा!
6
Thailand- Cambodia Conflict :'सीमेवर प्रवास टाळा', थायलंड- कंबोडिया संघर्षादरम्यान भारताच्या पर्यटकांसाठी दूतावासाने सूचना दिल्या
7
विवाहित वर्गमैत्रिणीला भेटला; पत्नीला घटस्फोट देत तिच्यासोबत लिव्ह इनमध्ये राहिला, मग जे घडलं...
8
अंगावर धावून गेली, चप्पल फेकून मारली अन्...; रुची गुज्जरची निर्मात्याला मारहाण, व्हिडीओ व्हायरल
9
कॉलेजला जाण्यापूर्वी हवी होती लीन बॉडी; ऑनलाईन ट्रेंड, लिक्विड डाएट बेतलं जीवावर, मुलाचा मृत्यू
10
आता सैनिकांसाठी अरबी भाषा आणि इस्लाम शिकणे अनिवार्य, इस्रायलचा मोठा निर्णय! कारण काय?
11
अरेरे! 'सैयारा' पाहून तुफान राडा; गर्लफ्रेंडसाठी थिएटरबाहेर भिडले २ तरुण, लाथा-बुक्क्यांनी मारहाण
12
Rain Update : ठाणे, रायगड, मुंबईत मुसळधार, ऑरेंज अलर्ट, पालघरसाठी रेड अलर्ट, भरती-ओहोटीबाबतही इशारा
13
५ वर्षांत १० पट वाढला TATA Sons चा नफा; समूहाच्या 'या' कंपनीनं केली सर्वाधिक कमाई, तुमच्याकडे स्टॉक आहे का?
14
'मला बुटाने मारा', सिद्धरामय्या अन् शिवकुमार यांच्या विशेष अधिकाऱ्यांमध्ये दिल्लीत हाणामारी; कारण काय?
15
शाहरुख फिटनेससाठी कोणते पदार्थ खात नाही? किती वाजता झोपतो? काय जेवतो? जाणून घ्या एका क्लिकवर
16
पहिल्यांदा नोकरी करणाऱ्यांना सरकार देणार १५ हजार रुपये; फक्त पूर्ण कराव्या लागतील 'या' २ अटी
17
"तुम्हाला आनंद देणाऱ्या गोष्टींवरदेखील खर्च करा..," राधिका गुप्ता यांनी दिला हृदयस्पर्शी सल्ला
18
आमदार रोहित पवारांच्या अडचणीत वाढ; मनी लॉन्ड्रिंग प्रकरणी ईडीकडून मोठी कारवाई
19
महायुतीत २ मंत्र्यांमध्ये रंगलं मानापमान नाट्य; शिंदेसेनेचे मंत्री नाराज, भाजपा मंत्र्यांचा पलटवार
20
सुनील शेट्टीने 'हेरा फेरी ३'मधील परेश रावलच्या एंट्रीवर दिली प्रतिक्रिया, म्हणाली- "नजर लागते..."

पालिकेची रुग्णालयेच जीवघेणी

By admin | Updated: August 24, 2016 01:00 IST

पालिकेच्या दवाखान्यातच रुग्णांची योग्य ती काळजी घेतली जात नसल्याचे चित्र आहे.

सायली जोशी-पटवर्धन,

पुणे- महापालिकेकडून एकीकडे आरोग्याच्या विविध मोहिमा राबविल्याचे दाखविले जात असताना, दुसरीकडे मात्र पालिकेच्या दवाखान्यातच रुग्णांची योग्य ती काळजी घेतली जात नसल्याचे चित्र आहे. पालिकेच्या गाडीखाना येथील डॉ. कोटणीस दवाखान्यात लहान मुलांचे लसीकरण आणि सर्व सांसर्गिक आजारांच्या रुग्णांचा वावर अतिशय सहज होईल, याची सोयच पालिकेने न केल्याचे ‘लोकमत’ने केलेल्या पाहणीत समोर आले आहे. शुक्रवार पेठेतील गाडीखाना येथील महापालिकेचे ‘डॉ. कोटणीस आरोग्य केंद्र’ हे एक प्रमुख आरोग्य केंद्र आहे. याठिकाणी त्वचा, कान-नाक, घसा, क्षयरोग यांच्यासाठी उपचार घेण्यासाठीही मोठ्या प्रमाणात गर्दी असते. कोणत्याही आजाराचे निदान करण्यासाठी रुग्ण आरोग्य केंद्रात आल्यास, त्याचा केसपेपर काढण्याची सोय या विभागाच्या बाहेरच्याच बाजूला होती; मात्र आता कोणतेही कारण न देता केसपेपर काढण्याची सुविधा अचानक हलवून याच आरोग्य केंद्राच्या आवारात असणाऱ्या काची प्रसूतिगृह येथे करण्यात आली आहे.काची रुग्णालयात प्रसूतीसाठी महिलांची मोठ्या प्रमाणात गर्दी असते. याबरोबरच मंगळवार व शुक्रवार या दिवशी बालकांचे लसीकरणही केले जाते. याच ठिकाणी ताप, सर्दी यांसारख्या आरोग्याच्या इतर तक्रारींसाठीही काची रुग्णालयाचा वापर केला जातो. केसपेपर काढण्याची सोय अचानक काची रुग्णालयात करण्यात आल्याने रुग्णांची मोठ्या प्रमाणात गैरसोय होत असल्याचे दिसून आले. इतकेच नाही, तर याठिकाणी मंगळवारी लसीकरणासाठीही बालकांची मोठी गर्दी होती. क्षयरोगासारख्या गंभीर आजारांचे रुग्ण बालकांच्या आसपास केसपेपर काढण्यासाठी येत असल्याने एकीकडे आजारांपासून दूर राहावे यासाठी लसीकरण आणि दुसरीकडे संसर्गरोग असणाऱ्या रुग्णांचा बालकांच्या जवळ असणारा वावर, असे गंभीर चित्र पाहायला मिळाले. या आरोग्य केंद्रात रुग्णांची केवळ तपासणीच नाही, तर पॅथ लॅबमध्ये विविध तपासण्या याठिकाणी केल्या जातात. तपासण्यांद्वारे योग्य ते निदान केल्यावर औषधोपचारही करण्यात येतात. यासाठी वेगवेगळे विभागही करण्यात आले असून, आरोग्य केंद्राच्या तळमजल्यावर क्षयरोग विभाग असून, दुसऱ्या मजल्यावर एचआयव्ही विभाग आहे, तर तिसऱ्या मजल्यावर त्वचारोग आणि कुत्रा चावल्याची तपासणी केली जाते. >अचानक बदलाने रुग्णांना त्रास डॉ. कोटणीस आरोग्य केंद्रात विविध आजारांसाठी येणाऱ्या ज्येष्ठ नागरिकांची संख्या मोठी आहे. पूर्वी केसपेपर काढून त्याच ठिकाणी डॉक्टरांकडे तपासणी आणि औषधे दिली जायची. मात्र, आता केसपेपर रुग्णालयात जावे लागत आहे. सर्व विभागांचे केसपेपर एकाच ठिकाणी मिळत असल्याने याठिकाणी रुग्णांची गर्दी होत असल्याचे चित्र आहे.हा केसपेपर घेऊन पुन्हा डॉक्टरांकडे तपासणीसाठी जायचे. डॉक्टरांनी तपासणी करायला सांगितल्यास, समोरील इमारतीच्या लॅबमध्ये तपासणीसाठी जावे लागते. त्यानंतर हा अहवाल घेऊन डॉक्टरांकडे येऊन निदान आणि आणि मग पुन्हा औषधे घेण्यासाठी औषध विभागात जाणे, यामध्ये ज्येष्ठ नागरिकांची मोठ्या प्रमाणात दमछाक होत असल्याचे चित्र आहे.प्रसूती झालेल्या महिला, बालके; तसेच इतर आजारांच्या केसपेपरसाठी येणारे ज्येष्ठ रुग्ण यांची कोटणीस दवाखान्यात मोठी संख्या असते. ज्येष्ठ नागरिक, बालके आणि प्रसूती झालेल्या महिला यांची प्रतिकारशक्ती कमी असल्याने त्यांना कोणत्याही आजाराची लागण होण्याची शक्यता मोठ्या प्रमाणात असते. अशावेळी केसपेपरचे ठिकाण अचानक का बदलण्यात आले, असा प्रश्न निर्माण झाला आहे. लहान मुले किंवा गर्भवती महिलांना कोणत्याही संसर्गजन्य आजाराची लागण झाली, तर त्याला जबाबदार कोण?>ज्येष्ठांची गैरसोय : निष्कारण वणवणखडकवासला, विश्रांतवाडी, वानवडी यांसारख्या शहराच्या उपनगरांतून आलेल्या ज्येष्ठ नागरिकांनी ‘लोकमत’शी बोलताना आपली समस्या बोलून दाखविली. त्वचेच्या समस्येसाठी उपचार घेणारे ७० वर्षांचे रुग्ण शिंदे म्हणाले की, मी मागील २ वर्षांपासून याठिकाणी उपचार घेत आहे; मात्र आरोग्यव्यवस्थेमध्ये अचानक बदल केल्याने ज्येष्ठांना त्रास होतो.७० वर्षांहून अधिक वय असलेल्या खडकवासल्याहून आलेल्या एका ज्येष्ठ महिलेनेही यंत्रणेमध्ये बदल करण्यात आल्याने इकडून तिकडे जाण्यात बराच वेळ; तसेच शक्ती वाया जात असल्याचे सांगितले.