लोकमत न्यूज नेटवर्कमुंबई : महाराष्ट्र लोकसेवा आयोगाने (एमपीएससी) २०२१ वर्षाअखेरीपर्यंत राज्याच्या विविध विभागांकडून मागविलेल्या रिक्त जागांच्या माहितीपत्रात ७,५६० जागा उपलब्ध असल्याचे निदर्शनास आले आहे. यामुळे येत्या वर्षात ‘एमपीएससी’च्या विद्यार्थ्यांना सुवर्णसंधी मिळणार आहे.
राज्याच्या वेगवेगळ्या विभागांमध्ये विशेष अ, ब आणि क गटांतील एकूण किती पदे रिक्त आहेत, याबाबतचे मागणीपत्र देण्यास एमपीएससीने सांगितले होते. तसेच राज्याच्या २५ विभागांमधील रिक्त असलेल्या पदांची संख्या एमपीएससीकडे प्राप्त झाली असून, राज्यात तिन्ही गटांच्या एकूण ७,५६० जागा रिक्त आहेत. त्यात ‘अ’ गटातील १४९९, ‘ब’ गटातील १,२४५ आणि ‘क’ गटातील १,५८३ पदांचा समावेश आहे.
जाहिरात प्रसिद्ध झालेली पदे वगळून अन्य पदांसाठीची जाहिरात आवश्यक बाबींची पूर्तता झाल्यानंतर नजीकच्या काळात प्रसिद्ध करण्यात येणार असल्याचे नमूद करण्यात आले आहे. यासंदर्भातील सविस्तर यादी एमपीएससीच्या संकेतस्थळावर प्रसिद्ध करण्यात आली आहे. त्यामुळे एमपीएससीने परीक्षांचे वेळापत्रक आणि जाहिराती लवकर प्रसिद्ध कराव्यात, अशी मागणी विद्यार्थी करीत आहेत.
एमपीएससीकडे प्राप्त मागणीपत्रसार्वजनिक आरोग्य : ९३७कृषी, पशुसंवर्धन, मत्स्यव्यवसाय : ९२४उद्योग, ऊर्जा, कामगार : २७९अन्न, नागरी पुरवठा, ग्राहक संरक्षण : ६२पाणीपुरवठा व स्वच्छता : १६सामान्य प्रशासन : ९५७मराठी भाषा : २१आदिवासी विभाग : ०७मुंबई महापालिका : २१पर्यावरण : ०३गृह : ११५९वित्त : ३५६वैद्यकीय शिक्षण, औषधी द्रव्ये : १५७२उच्च व तंत्रशिक्षण : ३५शालेय शिक्षण, क्रीडा : १०५सहकार, पणन, वस्त्रोद्योग : ३२कौशल्य विकास, उद्योजकता : १७१महसूल व वन : १०४ग्रामविकास व पंचायतराज : ३२नगरविकास : ९०मृदा व जलसंधारण : ११जलसंपदा : ३२३विधि व न्याय : २०५नियोजन : ५५