म्हाडाच्या लॉटरीत घर लागूनही केवळ वेळेत पैसे जमा न झाल्यामुळे घर गमवावे लागणाऱ्या सर्वसामान्यांसाठी म्हाडाने एक महत्त्वाचा निर्णय घेतला आहे. आता 'अॅडव्हान्स कॉन्ट्रीब्युशन स्कीम' अंतर्गत विजेत्यांना घराचे पैसे एकदम न भरता, ३ ते ४ वर्षांच्या कालावधीत टप्प्याटप्प्याने भरण्याची मुभा मिळणार आहे.
सध्या म्हाडा इमारतीला ओसी मिळाल्यानंतर लॉटरी काढते आणि विजेत्यांना संपूर्ण रक्कम भरण्यासाठी केवळ १०५ दिवसांचा वेळ मिळतो. मात्र, आता खासगी बिल्डरांप्रमाणे इमारत बांधकामाधीन असतानाच लॉटरी काढली जाईल. जसे इमारतीचे स्लॅब पूर्ण होतील, तसे विजेत्यांकडून पैसे आकारले जातील.
टप्प्याटप्प्याने पैसे भरता येणार
- लॉटरीत घर लागल्यास सुरुवातीला दहा टक्के पैसे भरावे लागतील.- पुढील सहा ते आठ महिन्यांत १५ टक्के पैसे भरावे लागतील. - त्यानंतर दुसऱ्या वर्षी २५ टक्के आणि तिसऱ्या वर्षी २५ टक्के पैसे भरावे लागतील.- इमारतीला ओसी मिळाल्यानंतर उर्वरित २५ टक्क्यांचा हप्ता भरावा लागेल. - त्यानंतर स्टॅम्प ड्युटी रेजिस्ट्रेशन होईल.
सर्वसामान्यांना आणि म्हाडाला दुहेरी फायदा
- एकाच वेळी लाखो रुपये उभे करण्याची धावपळ थांबेल. बँकेकडून कर्ज घेणे सोपे होईल, कारण बँक कामाच्या प्रगतीनुसार थेट म्हाडाला हप्ते देऊ शकेल.- सध्या म्हाडाला संपूर्ण प्रकल्पाचा खर्च स्वतःच्या तिजोरीतून करावा लागतो. या योजनेमुळे कामाच्या दरम्यानच निधी उपलब्ध झाल्याने प्राधिकरणावरील आर्थिक ताण कमी होईल.
मुंबईत लवकरच अंमलबजावणी
मुंबईत सध्या तयार घरांची संख्या मर्यादित आहे. त्यामुळे नवीन गृहप्रकल्प सुरू करतानाच त्याची लॉटरी काढली जाईल, जेणेकरून घरांचे बांधकाम पूर्ण व्हायला आणि विजेत्यांना पैशांचे नियोजन करायला पुरेसा वेळ मिळेल, अशी माहिती म्हाडाचे उपमुख्य कार्यकारी अधिकारी अनिल वानखडे यांनी दिली आहे.
Web Summary : MHADA introduces a scheme allowing lottery winners to pay for homes in installments over 3-4 years as construction progresses. This eases financial burden on winners and MHADA, enabling better financial planning and project funding.
Web Summary : MHADA ने एक योजना शुरू की है जिसके तहत लॉटरी विजेताओं को निर्माण प्रगति के अनुसार 3-4 वर्षों में किश्तों में घरों के लिए भुगतान करने की अनुमति है। इससे विजेताओं और MHADA पर वित्तीय बोझ कम होता है, जिससे बेहतर वित्तीय योजना और परियोजना वित्तपोषण सक्षम होता है।