- नितीन चौधरी / समीर देशपांडे पुणे/कोल्हापूर : समाजातील जातीव्यवस्था नष्ट व्हावी, तसेच अस्पृश्यता निवारणाच्या कार्याला गती मिळण्यासाठी प्रोत्साहन म्हणून आंतरजातीय विवाह करणाऱ्या जोडप्यांना सामाजिक न्याय विभागाकडून अर्थसाहाय्य देण्यात येते. त्यानुसार या आर्थिक वर्षात राज्यासाठी २७ कोटी ३१ लाख रुपयांचा निधी मंजूर करण्यात आला आहे. यामुळे सुमारे साडेपाच हजार जोडप्यांना आर्थिक फायदा होणार आहे.
कुणाला मिळते रक्कम? n ५० हजार रुपयांचे अर्थसहाय्य या योजनेंतर्गत प्रत्येक दाम्पत्याला देण्यात येते. ही रक्कम पती-पत्नी यांच्या संयुक्त नावाने देण्यात येते. n मंजूर झालेला निधी जिल्हा परिषदेच्या जिल्हा समाज कल्याण अधिकारी यांना उपलब्ध करून दिला आहे.
कोणासाठी ही योजना? अनुसूचित जाती, अनुसूचित जमाती, विमुक्त जाती व भटक्या जमाती तसेच विशेष मागास प्रवर्गापैकी एक व्यक्ती व दुसरी व्यक्ती सवर्ण हिंदू, लिंगायत जैन व शीख या प्रवर्गात असणे आवश्यक आहे.
विभागनिहाय मिळालेला निधीजूनमध्ये एकूण मंजूर निधी ₹२७,३१,७६,०००मुंबई ₹४.३९ कोटीपुणे ₹५.३३ कोटीनाशिक ₹५.७९ कोटीअमरावती ₹३.८६ कोटीनागपूर ₹६.५२ कोटी औरंगाबाद ₹६४.५ लाख लातूर ₹७६.८ लाख
आंतरजातीय विवाह करणाऱ्या दाम्पत्यांच्या संसाराला हातभार लागावा, या उद्देशाने अनुदान मंजूर करण्यात येते. हा निधी या दाम्पत्यांच्या बॅंक खात्यात जमा होणार आहे. - डॉ. प्रशांत नारनवरे, आयुक्त, समाज कल्याण
छत्रपती संभाजीनगर विभागातून सर्वांत कमी प्रस्तावसर्वाधिक म्हणजे २,७२३ आंतरजातीय विवाह अनुदान प्रस्ताव नागपूर विभागातून आले आहेत. तर सर्वांत कमी म्हणजे २७१ छत्रपती संभाजीनगर विभागातून आले आहेत. सर्वांत जास्त म्हणजे १,१७२ प्रस्ताव जळगाव जिल्ह्यातून तर सर्वांत कमी म्हणजे २० प्रस्ताव जालना जिल्ह्यातील आहेत.
आंतरजातीय विवाह केलेल्या जोडप्यांची संख्याजळगाव १,१७२पुणे ७९५नागपूर ७७०अमरावती ६९०नाशिक ६०२चंद्रपूर ६००भंडारा ४५३मुंबई उपनगर ४५३रायगड ४२२सातारा ४१८गोंदिया ४०६कोल्हापूर ४००सोलापूर ३५५यवतमाळ ३५३ठाणे ३०६अकोला २९२गडचिरोली २७८सांगली २६०पालघर २४३वर्धा २१६बुलढाणा २००मुंबई शहर १८५धुळे १३८रत्नागिरी ९५सिंधुदुर्ग ८१नंदुरबार ७८वाशिम ७४लातूर ७२धाराशिव ७०बीड ६९हिंगोली ३९परभणी २२जालना २०