जालना : जिल्ह्यात कोरोनाचा कहर थांबण्याचे नाव घेत नसून, गेल्या कोरोनाच्या कचाट्यात कोरोनाशी दोन हात आठवडाभरापासून दररोज सरासरी २०० पेक्षा अधिक रुग्ण आढळून येत आहेत. गुरुवारी जिल्ह्यात २०४ जण कोरोना पॉझिटिव्ह (Corona Positive) आले असून, त्यात दोन जणांचा मृत्यू झाला आहे. (two health officials corona Positive after second dose of corona Vaccine in Jalana, Maharashtra)
राज्यासह जिल्ह्यातही कोरोना लसीकरण सुरु आहे. याचवेळी एक खळबळजनक माहिती समोर आली आहे. कोरोनाच्या संकटात दोन हात करणाऱ्या जिल्हा शल्यचिकित्सक डॉ. अर्चना भोसले तसेच जिल्हा परिषदेचे डीएचओ. विवेक खतगावकर तसेच समन्वयक डॉ. संतोष कड़ले हे कोरोना पॉझिटिव्ह आले आहेत. विशेष म्हणजे या तिघांनी देखील कोरोनाच्या प्रचलित लसीचे दोन डोस पूर्ण केले होते. त्यानंतरही कोरोनाने यांना गाठल्याने आश्चर्य व्यक्त केले जात आहे.
असे असले तरी लसीकरण हे चुकीचे आहे, असे न समजण्याचे आवाहन करण्यात आले आहे. लस घेतल्यावरही मास्क आणि सॅनिटायझरचा नियिमित उपयोग बंधनकारक करण्याची गरजही व्यक् केली जात आहे. सुरक्षित अंतरालाही तेवढेच महत्त्व असल्याचे सांगण्यात आले.
कोरोनाचा शहर आणि तालुकानिहाय तपशील खालीप्रमाणे आहे. त्यात जालना शहर १३९, तालुका टाकरवन १, भाटेपुरी १, सेवली १, गोलापांगरी २, पहेगाव १, कुंभेफळ २, मंठा शहर १, मंठा तालुका पांगरी गोसावी १,परतूर शहर २, तालुका वादूर फाटा २, वाघडी १, दैठणा २, पोखरी १ तसेच घनसावंगी शहर तालुक्यातील रांजणी १, वडीरानगर १, रांजणवाडी १, देवनगर १, अंबड शहर ३, तालुका घुंगई हादगाव १, जामखेड ३, हस्तपुरी १, मठपिंपळगाव एक, माहेर भायगव्हाण १, बदनापूर तालुका आन्वी १, वाकुळणी दोन, असरखेडा १, बदनापूर १, शेलगाव २, जाफराबाद शहर 3, गारखेडा १, हनुमंतखेड २, जानेफळ १, जवखेड १, वरूड १, भोकरदन शहर २, तालुक्यातील वालसांगी २, केदारखेडा दोन, दानापूर २ असे एकूण २०४ रुग्णांचा समावेश आहे.