सिंचन घोटाळ्यातील आरोपपत्रांवर दररोज सुनावणीसाठी विशेष कोर्टाची स्थापना करण्याचे हायकोर्टाचे आदेश

 सिंचन घोटाळ्याप्रकरणी गुन्ह्यांच्या संदर्भात दाखल आरोपपत्रांची सुनावणी दररोज व्हावी यासाठी विशेष कोर्टाची स्थापना करण्याचे आदेश मुंबई हायकोर्टाच्या नागपूर खंडपीठाने दिले आहेत.

नागपूर  -  सिंचन घोटाळ्याप्रकरणी गुन्ह्यांच्या संदर्भात दाखल आरोपपत्रांची सुनावणी दररोज व्हावी यासाठी विशेष कोर्टाची स्थापना करण्याचे आदेश मुंबई हायकोर्टाच्या नागपूर खंडपीठाने दिले आहेत. सिंचन घोटाळ्याबाबत एसीबीच्या तपासाला झालेली  दिरंगाई आणि राजकीय नेत्यांच्या चौकशीसाठी दाखवण्यात आलेली हलगर्जी यामुळे संतप्त झालेल्या न्यायालयाने हे आदेश दिले आहेत. 

 सिंचन घोटाळ्याप्रकरणी एसीबीचा तपासाला दिरंगाई का झाली याची चौकशी करण्यासाठी आणि या घोटाळ्यात गुतलेल्या राजकीय नेत्यांच्या चौकशी संदर्भात केलेल्या हलगर्जी संदर्भात चौकशी समिती स्थापन करण्याचे राज्य सरकारला आदेश दिले आहेत. सिंचन घोटाळ्यासंदर्भात दाखल पाच एफआयआर संदर्भात आरोपपत्र दाखल करण्यासंदर्भात सरकारने एसीबीला सरकारने आठवड्या भर्यात मंजुरी द्यावी असेही हायकोर्टाने आपल्या आदेशात म्हटले आहे.