ऑनलाइन लोकमत
बदलापूर, दि. 04 - बदलापूरातील एका आजोबाने आपल्या सख्या नातीवरच बलात्कार केल्याची संतापजनक घटना घडली. या प्रकरणातील आरोपी असलेल्या आजोबाला बदलापूर पोलिसांनी अटक केली आहे. हा प्रकार 1 जुलै रोजी घडला.
बदलापूरातील आपटेवाडी परिसरात शंकर जाधव हा आपला मुलगा आणि सुनेसोबत राहत होता. जाधव कुटुंब हे मारतीच्या बांधकामावर मजुरीचे काम करीत होते. दोन महिन्यांपूर्वीच शंकर जाधव यांची जयपूर येथे असलेल्या मुलीने तीच्या मोठ्या मुलीला जाधव यांच्याकडे पाठविले. जयपूर येथून आलेली ही मुलगी आपले आजोबा आणि मामांसोबत त्यांच्या घरात राहत होती. येवढेच नव्हे तर त्यांच्यासोबत मोलमजुरी देखील करीत होती. मात्र, कामाच्या ठिकाणी तिचे आजोबा शंकर जाधव हे तिच्यासोबत अंगलट येण्याचा प्रयत्न करित होते. येवढेच नव्हे तर मला तुझ्यासोबत लग्न करायचे आहे, असे वारंवार सांगून तिला मानसिक त्रास देखील देत होते. 1 जुलै रोजी घरातील सर्व व्यक्ती मजुरीसाठी कामावर निघालेले असतांना पिडीत मुलगी तब्बेत बरी नसल्याचे कारण पुढे करुन घरीच थांबली. यावेळी आजोबा हे देखील घरातून कामावर जात असल्याचे सांगून निघाले. मात्र, अवघ्या एका तासात ते पुन्हा घरी आले. यावेळी आजोबा आणि त्यांची नात घरात एकटेच असतांना त्यांनी तिच्यावर जबरदस्ती करण्याचा प्रयत्न केला. यावेळी तिने विरोध केल्यावर तिला जबर मारहाण केली. तसेच, जीवे मारण्याची धमकी देत तिच्यावर बलात्कार केला. या प्रकारानंतर पिडीत मुलीने घर सोडून जयपूरला जाण्याचा प्रयत्न केला. रात्रभर कल्याण स्थानकात वेटींग रुमला थांबल्यावर सकाळी ती वांद्रे स्थानकात पोहचली. येथे जयपूरला जाणारी गाडीची चौकशी करण्यासाठी ती पोलिसांकडे गेली असता पोलिसांनी तिची परिस्थिती पाहून तिची विचारणा केली. यावेळी तिने देखील घडलेला सर्व प्रकार पोलिसांना सांगितला. तिच्या फिर्यादीवरुन आजोबा शंकज जाधव याच्या विरोधात बदलापूर पूर्व पोलीस ठाण्यात गुन्हा दाखल करण्यात आला आहे. या प्रकरणात गुन्हा दाखल होताच वरिष्ठ पोलीस निरिक्षक दिलीपकुमार राजभोज यांनी आरोपीला लागलीच अटक केली आहे.