महाराष्ट्रात निवडणुकीचा शंखनाद! २४६ नगरपरिषदा, ४२ नगरपंचायतींसाठी मतदान; वाचा जिल्हानिहाय यादी...

Maharashtra Local Body Election 2025 Schedule: ३ डिसेंबर २०२५ रोजी सकाळी १० वाजेपासून याठिकाणी मतमोजणी सुरु होईल. निकाल जाहीर झाल्यानंतर नगरपरिषदा व नगरपंचायतींच्या क्षेत्रापुरती आचारसंहिता संपुष्टात येईल असं निवडणूक आयुक्तांनी सांगितले. 

मुंबई - राज्यातील २४६ नगरपरिषदा व ४२ नगरपंचायतींच्या एकूण २८८ सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता २ डिसेंबर २०२५ रोजी मतदान होणार आहे. तर ३ डिसेंबर २०२५ रोजी मतमोजणी होणार असून या सर्व नगरपरिषदा व नगरपंचायतींच्या कार्यक्षेत्रात आजपासून आचारसंहिता लागू झाली आहे अशी घोषणा राज्य निवडणूक आयुक्त दिनेश वाघमारे यांनी पत्रकार परिषदेत केली.

दिनेश वाघमारे यांनी सांगितले की, या निवडणुकांसाठी उमेदवारी अर्ज दाखल करण्यास १० नोव्हेंबर २०२५ पासून सुरुवात होईल. अर्ज दाखल करण्याची अंतिम तारीख १७ नोव्हेंबर २०२५ असेल. उमेदवार अर्जाची छाननी १८ नोव्हेंबर २०२५ रोजी होईल. निवडणूक निर्णय अधिकाऱ्यांच्या निर्णयाविरुद्ध अपील नसलेल्या ठिकाणी २१ नोव्हेंबर २०२५ पर्यंत. तर अपील असलेल्या ठिकाणी २५ नोव्हेंबर २०२५ पर्यंत उमेदवारी अर्ज मागे मागे घेता येतील. मतदान २ डिसेंबर २०२५ रोजी सकाळी ७.३० ते सायंकाळी ५.३० पर्यंत मतदानाची वेळ असेल. मतमोजणी सर्व संबंधित ठिकाणी ३ डिसेंबर २०२५ रोजी सकाळी १० वाजेपासून सुरु होईल. निकाल जाहीर झाल्यानंतर नगरपरिषदा व नगरपंचायतींच्या क्षेत्रापुरती आचारसंहिता संपुष्टात येईल असं त्यांनी सांगितले. 

क्रमांक	जिल्ह्याचे नाव	नगरपरिषद / नगरपंचायत यादी
1	पालघर	डहाणू, जव्हार, पालघर, वाडा (न.पं.)
2	रायगड	अलिबाग, कर्जत, खोपोली, महाड, माथेरान, मुरुड-जंजिरा, पेण, रोहा, श्रीवर्धन, उरण (न.प.)
3	रत्नागिरी	चिपळूण, देवरुख (न.पं.), गुहागर, खेड, लांजा (न.पं.), राजापूर, रत्नागिरी
4	सिंधुदूर्ग	कणकवली (न.पं.), मालवण, सावंतवाडी, वेंगुर्ला
5	ठाणे	अंबरनाथ, कुळगाव-बदलापूर
6	अहिल्यानगर	देवळाली प्रवरा, जामखेड, कोपरगाव, नेवासा (न.पं.), पाथर्डी, राहाता, राहुरी, संगमनेर, शेवगाव, शिर्डी, श्रीगोंदा, श्रीरामपूर
7	धुळे	दोंडाईचा-वरवाडे, पिंपळनेर, सिंदखेडा (न.पं.), शिरपूर-वरवाडे
8	जळगाव	जामनेर, अमळनेर, भडगाव, भुसावळ, चाळीसगाव, चोपडा, धरणगाव, एरंडोल, फैजपूर, मुक्ताईनगर (न.पं.), नशिराबाद, पाचोरा, पारोळा, रावेर, सावदा, शेंदूणी (न.पं.), वरणगाव, यावल
9	नंदुरबार	शहादा, नंदुरबार, नवापूर, तळोदा
10	नाशिक	भगुर, मनमाड, नांदगाव, सटाणा, सिन्नर, येवला, चांदवाड, इगतपुरी, ओझर, पिंपळगाव बसवंत, त्र्यंबक
11	कोल्हापूर	आजरा (न.पं.), चंदगड (न.पं.), गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ, वडगाव
12	पुणे	आळंदी, बारामती, भोर, चाकण, दौंड, फुरसुंगी-उरळी देवाची, इंदापूर, जेजुरी, जुन्नर, लोणावळा, मालेगाव बु. (न.पं.), मंचर (न.पं.), राजगुरुनगर, सासवड, शिरुर, तळेगाव-दाभाडे, वडगाव (न.पं.)
13	सांगली	आष्टा, आटपाडी (न.पं.), इस्लामपूर, जत, पळूस, शिराळा (न.पं.), तासगाव, विटा
14	सातारा	कराड, महाबळेश्वर, मलकापूर, मेढा (न.पं.), म्हसवड, पाचगणी, फलटण, रहिमतपूर, सातारा, वाई
15	सोलापूर	अक्कलकोट, अकलूज, अनागर (न.पं.), बार्शी, दुधनी, करमाळा, कुडूवाडी, मैदर्गी, मंगळवेढा, मोहोळ, पंढरपूर, सांगोला
16	बीड	अंबेजोगाई, बीड, धारुर, गेवराई, माजलगाव, परळी वैजनाथ
17	छत्रपती संभाजीनगर	फुलब्री (न.पं.), गंगापूर, कन्नड, खुलताबाद, पैठण, सिल्लोड, वैजापूर
18	धाराशिव	भूम, कळंब, मुरुम, नळदुर्ग, धाराशिव, परंडा, तुळजापूर, उमरगा
19	हिंगोली	बसमतनगर, हिंगोली, कळमनुरी
20	जालना	अंबड, भोकरदन, परतूर
21	लातूर	अहमदपूर, औसा, निलंगा, रेनापूर (न.पं.), उदगीर
22	नांदेड	बिलोली, देगलूर, धर्माबाद, हदगाव, हिमायतनगर (न.पं.), कंधार, कुंडलवाडी, मुदखेड, मुखेड, उमरी, भोकर, किनवट, लोहा
23	परभणी	गंगाखेड, जिंतूर, मानवत, पाथरी, पूर्णा, सेलू, सोनपेठ
24	अकोला	अकोट, बाळापूर, बार्शी-टाकळी, हिवरखेडा, मूर्तिजापूर, तेल्हारा
25	अमरावती	अचलपूर, अंजनगाव सूर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी (न.पं.), मोर्शी, नांदगाव खंडेश्वर (न.पं.), शेंदूरजनाघाट, वरुड
26	बुलढाणा	बुलढाणा, चिखली, देऊळगाव राजा, जळगाव जामोद, खामगाव, लोणार, मलकापूर, मेहकर, नांदूरा, शेंगाव, सिंदखेडराजा
27	वाशीम	कारंजा, मालेगाव (न.पं.), मंगरुळपीर, रिसोड, वाशीम
28	यवतमाळ	आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी (न.पं.), नेर-नबाबपूर, पांढरकवडा
29	भंडारा	पवनी, साकोली, शेंदूरवाफा, तुमसर, भंडारा
30	चंद्रपूर	बल्लारपूर, भद्रावती, भिसी (न.पं.), ब्रह्मपूरी, चिमूर, गडचांदूर, घुग्घुस, मूल, नागभीड, राजूरा, वरोरा
31	गडचिरोली	आरमोरी, देसाईगंज, गडचिरोली
32	गोंदिया	गोंदिया, गोरेगाव (न.पं.), सालेकसा (न.पं.), तिरोडा
33	नागपूर	बहादुरा (न.पं.), बेसा पिपळा (न.पं.), भिवापूर (न.पं.), बुटिबोरी, डिगडोह, कळमेश्वर-ब्रह्मणी, कामठी, कांद्री कन्हान (न.पं.), काटोल, खापा, कोंढाळी (न.पं.), महादुला (न.पं.), मोहपा, मौदा (न.पं.), नरखेड, निलडोह (न.पं.), पारशिवणी (न.पं.), रामटेक, सावनेर, उमरेड, वानाडोंगरी, बिडगाव-तरोडी (खू), पांढुर्णा (न.पं.), गोधणी रेल्वे (न.पं.), कन्हान-पिपरी, मोवाड, वाडी, येरखेडा (न.पं.)
34	वर्धा	आर्वी, देवळी, हिंगणघाट, पुलगाव, सिंदी रेल्वे, वर्धा