Eknath Shinde News: राज्यसभेच्या निवडणुकीसाठी उमेदवारी देताना उपमुख्यमंत्री एकनाथ शिंदे यांनी सर्वांनाच आश्चर्याचा धक्का दिला. पक्षातील अनुभवी, बड्या नेत्यांच्या नावांची चर्चा सुरू असतानाच, डॉ. ज्योती वाघमारे यांना राज्यसभेचे तिकीट जाहीर केले. ज्योती वाघमारे यांच्या उमेदवारीमुळे राजकीय वर्तुळातील चर्चांना उधाण आले आहे. पक्षातील दिग्गज, अनुभवी आणि अनेक इच्छुक नेत्यांना डावलून ज्योती वाघमारे यांना उमेदवारी देण्याबाबत खुद्द उपमुख्यमंत्री एकनाथ शिंदे यांनी माहिती दिली.
ज्योती वाघमारेंनी राज्यसभेची उमेदवारी मागितली नव्हती. शिवसेना सर्वसामान्य कार्यकर्त्याला बळ देण्याचे काम करत आहे. आम्ही लाडक्या बहिणीला संधी दिली. शिवसेनेने केलेली निवड सार्थक ठरेल. राज्यसभेची निवडणूक बिनविरोध व्हावी ही सर्वांची भावना होती. शरद पवार यांची विनंती आणि सर्वांच्या म्हणण्यानुसार निवडणूक बिनविरोध झाली, असे एकनाथ शिंदे यांनी सांगितले.
आमचा पक्ष हा सर्वसामान्य कार्यकर्त्यांचा आहे
आमचा पक्ष हा सर्वसामान्य कार्यकर्त्यांचा आहे. बाळासाहेब आणि आनंद दिघे यांनी सर्वसामान्य कार्यकर्त्यांना मोठे केले. त्यामुळे आम्ही डॉ. ज्योती वाघमारे या लाडक्या बहिणीला राज्यसभेची संधी दिली आहे. त्यांनाही याची पूर्वकल्पना नव्हती. आम्ही सर्वसामान्य कार्यकर्त्यांना बळ देण्याचे काम केले आहे. त्या राज्यसभेमध्ये पक्षाची भूमिका, काम आणि ध्येय-धोरणं लोकांपर्यंत नक्की पोहोचवतील. महाराष्ट्रातील तसेच देशातील प्रश्नांना त्या राज्यसभेत प्राधान्य देतील. शिवसेनेने केलेली ही निवड सार्थक ठरेल, असे एकनाथ शिंदे यांनी सांगितले.
एकनाथ शिंदे यांनी दिलेल्या संधींचे सोने करेन
मला वाटले नव्हते की, कधी हा दिवस येईल. कारण लहानपणापासून भाकरीचा संघर्ष बघितला. लहानपणापासून भुकेचे चटके सोसले. लहानपणापासून संघर्ष केला. त्यानंतर शिवसेना सेनेच्या दसरा मेळाव्यात बोलण्याची संधी मिळाली. तेव्हा वाटलेले की, यापेक्षा मोठा काहीही होऊ शकत नाही. परंतु शिवसेना हा कार्यकर्त्यांचा पक्ष आहे. कुठल्याही पद्धतीचे आरक्षण नसताना माझ्यासारखी दलित समाजाची मुलगी देशाच्या वरिष्ठ सभागृहात पोहोचते आहे, त्याबद्दल एकनाथ शिंदे यांचे आभार. मी खूप साधी मुलगी आहे. मी खूप गरीब मुलगी आहे. मला राजकारण कळत नाही. पण मला विश्वास आहे की, माझे नेते एकनाथ शिंदे यांनी जी संधी मला दिली, त्या संधीचे सोने मी करेन, असे ज्योती वाघमारे यांनी म्हटले आहे.
दरम्यान, सोलापूरतून डॉ. ज्योती वाघमारे यांनी आपला प्रवास सुरू केला. त्यांचे वडील नागनाथ वाघमारे यांनी हॉटेलमध्ये वेटर आणि बांधकाम मजूर म्हणून काम करत असताना दलित पँथरच्या माध्यमातून सामाजिक लढा जिवंत ठेवला होता. हाच वारसा घेऊन ज्योती वाघमारे यांनी इंग्रजी साहित्यात पीएचडी प्राप्त केली. पाच भाषांवरील प्रभुत्व आणि आंबेडकरी चळवळीचा गाढा अभ्यास ही त्यांची मुख्य ओळख आहे.
Web Summary : Eknath Shinde surprised all by nominating Jyoti Waghmare for Rajya Sabha. Waghmare didn't ask, but Shinde wanted to empower a common worker. He emphasized her connection to grassroots activism and commitment to Maharashtra's issues in parliament. Waghmare expressed gratitude, promising to fulfill Shinde's faith.
Web Summary : एकनाथ शिंदे ने ज्योति वाघमारे को राज्यसभा के लिए मनोनीत कर सबको चौंका दिया। वाघमारे ने नहीं मांगा, पर शिंदे एक सामान्य कार्यकर्ता को सशक्त बनाना चाहते थे। उन्होंने संसद में जमीनी स्तर की सक्रियता और महाराष्ट्र के मुद्दों के प्रति उनकी प्रतिबद्धता पर जोर दिया। वाघमारे ने आभार व्यक्त किया और शिंदे का विश्वास पूरा करने का वादा किया।