मुंबई: राज्याचे उपमुख्यमंत्री अजित पवार यांच्या अकाली निधनामुळे संपूर्ण महाराष्ट्र शोकसागरात बुडालेला असतानाच, मुख्यमंत्री एकनाथ शिंदे यांनी एक अत्यंत संवेदनशील आणि महत्त्वाचा निर्णय घेतला आहे. ९ फेब्रुवारी रोजी येणारा आपला वाढदिवस यंदा साजरा न करण्याचे त्यांनी जाहीर केले असून, शिवसेनेच्या कार्यकर्त्यांनाही कोणतेही सोहळे न करण्याचे कळकळीचे आवाहन केले आहे.
"मी माझा सहकारी आणि मित्र गमावला" या निर्णयाबाबत बोलताना एकनाथ शिंदे भावूक झाले. "अजित दादांच्या जाण्याने महाराष्ट्राचे कधीही भरून न येणारे नुकसान झाले आहे. मी व्यक्तिश: माझा एक जवळचा सहकारी आणि मार्गदर्शक मित्र गमावला आहे. पवार कुटुंबावर कोसळलेला हा दु:खाचा डोंगर मोठा आहे आणि अशा परिस्थितीत वाढदिवसाचा उत्सव साजरा करणे मला मनाला पटणारे नाही," अशा शब्दांत त्यांनी आपल्या भावना व्यक्त केल्या.
शुभेच्छांचे होर्डिंग आणि पुष्पगुच्छ नकोत!
उपमुख्यमंत्री शिंदे यांनी आपल्या कार्यकर्त्यांना आणि हितचिंतकांना स्पष्ट सूचना दिल्या आहेत की, माझ्या वाढदिवसानिमित्त कोणतेही होर्डिंग्ज किंवा बॅनर लावू नयेत. कोणीही शुभेच्छा देण्यासाठी पुष्पगुच्छ किंवा भेटवस्तू घेऊन येऊ नये. कोणत्याही प्रकारचे सोहळे, केक कापणे किंवा सार्वजनिक कार्यक्रम आयोजित करू नयेत. महाराष्ट्रातील राजकीय परिस्थितीचे गांभीर्य ओळखून आणि निधन पावलेल्या नेत्याबद्दल आदर राखून सर्वांनी संयम पाळावा, अशी विनंती त्यांनी केली आहे.
Web Summary : Following Ajit Pawar's death, CM Shinde cancelled his birthday celebrations. He urged Shiv Sena workers to avoid festivities, honoring Pawar's memory and acknowledging the state's grief. Shinde requested no hoardings, flowers, or public events.
Web Summary : अजित पवार के निधन के बाद, मुख्यमंत्री शिंदे ने अपना जन्मदिन समारोह रद्द कर दिया। उन्होंने शिवसेना कार्यकर्ताओं से उत्सवों से बचने का आग्रह किया, पवार की स्मृति का सम्मान किया और राज्य के शोक को स्वीकार किया। शिंदे ने होर्डिंग, फूल या सार्वजनिक कार्यक्रम न करने का अनुरोध किया।