राज्यातील कोरोनाबाधितांची संख्या कमी होताना दिसत असली तरी धोका अद्यापही पूर्णपणे टळलेला नाही. दरम्यान, तर दुसरीकडे आगामी सणासुदींच्या पार्श्वभूमीवर देशात कोरोना नियमांचं पालन करावं असं आवाहनही केंद्र सरकारकडून करण्यात आलं आहे. दरम्यान, गेल्या चोवीस तासांत महाराष्ट्रात ३ हजार ५९५ नव्या कोरोनाबाधितांची नोंद करण्यात आली.
तर दुसरीकडे चोवीस तासांत राज्यात ३ हजार २४० रूग्णांनी कोरोनावर मात केली आहे. आतापर्यंत राज्यात ६३ लाख २० हजार ३१० रुग्णांनी कोरोनावर मात केली. दरम्यान, राज्यात रुग्ण बरे होण्याचा दर ९७.०६ टक्क्यांवर पोहोचला आहे. गेल्या चोवीस तासांमध्ये राज्यात एकूण ४५ कोरोनाबाधित रुग्णांच्या मृत्यूची नोंद करण्यात आली. सध्या राज्यातील मृत्यूदर हा २.१२ टक्के इतका आहे.