राज्यात कोरोनाच्या दुसऱ्या लाटेमुळे हाहाकार माजला होता. परंतु आता रुग्णसंख्या कमी होताना दिसत आहे. असं असलं तरी कोरोनाच्या तिसऱ्या लाटेच्या पार्श्वभूमीवर आणि कोरोनाच्या डेल्टा विषाणूच्या पार्श्वभूमीवर राज्यात पुन्हा एकदा निर्बंध कडक करण्यात आले आहेत. राज्य सरकारनं आता निर्बंधांमध्ये शिथिलता देताना लेव्हल १ आणि २ या वगळल्या आहे. दरम्यान, गेल्या चोवीस तासांत राज्यात ९ हजारांपेक्षा अधिक नव्या कोरोनाबाधितांची नोंद करण्यात आली. तर ८ हजारांपेक्षा अधिक रुग्णांनी कोरोनावर मात केली.
राज्यात गेल्या चोवीस तासांमध्ये ९,८१२ रूग्णांनी कोरोनावर मात केली. तर दुसरीकडे ८,७५२ रूग्णांनी कोरोनावर मात केली. गेल्या चोवीस तासांमध्ये १७९ रुग्णांचा कोरोनामुळे मृत्यू झाल्याची नोंद करण्यात आली आहे. राज्यात सध्या १,२१,२५१ रुग्णांवर उपचार सुरू असून रुग्ण बरे होण्याचा दर आता ९५.९३ टक्क्यांवर पोहोचला आहे.