कुमारिकेवर सामुहिक बलात्कार

लोणार येथील एका कुमारिकेवर सामुहीक बलात्कार; मलकापूर येथील घटना; चौघांविरुध्द गुन्हा दाखल.

मलकापूर(बुलडाणा) : रेल्वे स्टेशनवर सोडून देण्याचा बहाणा करून, लोणार येथील एका कुमारिकेवर दोघांनी सामुािक बलात्कार केल्याची घटना मंगळवारी रात्री १0.३0 वाजता मलकापूर येथे घडली. लोणार येथील रहिवासी असलेली २२ वर्षीय सुनिता (काल्पनिक) ही वसई (मुंबई) येथे मजुरी करते. तिची मावशी बुलडाणा येथील कारागृहामध्ये नोकरीला आहे. मावशीची न्यायालयाची तारीख असल्याने सुनिता ही मावशीचे पती विजयसिंग रामकुमारसिंग यांच्यासोबत १ जुलै रोजी बुलडाणा येथे आली होती. बुलडाणा येथून पुन्हा मुंबई येथे जाण्याकरिता सुनिता आणि विजयसिंग रामकुमारसिंग मंगळवारी रात्री ८ वाजता मलकापूर बसस्थानकावर पोहोचले. त्यावेळी ऑटोचालक सतिष वासुदेव दाणे (वय २४, रा. माता महाकालीनगर, मलकापूर), रविंद्र पांडुरंग कवळकार (वय २८, रा.हनुमाननगर, मलकापूर) आणि दिलीप प्रल्हाद उंबरकार (वय २0, रा.संत ज्ञानेश्‍वरनगर, मलकापूर) या तिघांनी त्यांना मुंबईला जाण्यासाठी रेल्वे असल्याचे सांगीतले. रेल्वे स्टेशनवर सोडून देण्यासाठी सुनिता व तिच्या मावशीचे पती शरद शालीग्राम पाटील (वय २८, रा.गणवाडी, मलकापूर) याच्या ऑटोमध्ये बसले. याच ऑटोमध्ये आरोपी सतिष वासुदेव दाणे आणि रविंद्र पांडुरंग कवळकार हेदेखील बसले; मात्र ऑटोचालकाने ऑटो रेल्वेस्टेशनकडे नेण्याऐवजी हनुमान चौकातून सरळ मुकुंद नगरकडे वेगात नेला. त्यामुळे सुनिता आणि विजयसिंग रामकुमारसिंग यांना संशय आला. त्यांनी धावत्या ऑटोमधून उडी मारली. त्यानंतर ऑटोचालक आणि त्याच्यासोबतच्या दोन आरोपींनी विजयसिंग रामकुमारसिंग यांना मारहाण केली. त्यांना जखमी अवस्थेत सोडून आरोपी सतीष दाणे व रवींद्र पांडूरंग कवळकर यांनी कुमारिकेला ऑटोरिक्षामध्ये बसवून, मुकुंद नगरजवळच्या शेतात नेले आणि तिच्यावर बलात्कार केला. ऑटोचालक शरद पाटील हा आरोपींना तिथेच सोडून निघून गेला. विजयसिंग रामकुमारसिंग यांनी ताबडतोब शहर पोलीस स्टेशन गाठून घटनेची हकीकत सांगितली. शहर पोलीसांनी नाकाबंदी करुन, आरोपींना काही तासातच अटक केली. गुन्ह्यात वापरलेला एम.एच.२८ टी ७0४ क्रमांकाचा आणि एक विनाक्रमांकाचा ऑटो, असे दोन ऑटो पोलिसांनी जप्त केले. पीडित कुमारिकेच्या फिर्यादीवरुन मलकापूर शहर पोलिसांनी आरोपी सतिष वासुदेव दाणे, शरद शालीग्राम पाटील, रविंद्र पांडुरंग कवडकार आणि दिलीप प्रल्हाद उंबरकार यांच्याविरूद्ध भादंवि कलम ३७६ (२) (ड), ३६६, ५0६ गुन्हा दाखल केला. ** पीडित कुमारिका आणि विजयसिंग रामकुमारसिंग हे मलकापूर बसस्थानकावर गाडीच्या प्रतिक्षेत होते, तेव्हा सतिष वासुदेव दाणे, रविंद्र पांडुरंग कवळकार आणि दिलीप प्रल्हाद उंबरकार या तिघांनी त्यांना मुंबईला जाण्यासाठी रेल्वे असल्याचे सांगितले. रेल्वे स्टेशनवर जाण्यासाठी त्यांनी दोघांना शरद पाटील याच्या ऑटोत बसविले. त्याचवेळी सतीष दाणे आणि रवींद्र पांडूरंग कवळकर हे दोघेदेखील ऑटोमध्ये बसले. दिलीप उंबरकर मात्र बसला नाही. सतीष दाणे आणि रवींद्र पांडूरंग कवळकर या दोघांनी कुमारिकेवर बलात्कार केल्यानंतर, दिलीप उंबरकर हादेखील घटनास्थळी पोहोचला. त्याने कुमारिकेचा शोधही घेतला; मात्र अंधारात लपून बसल्याने ती वाचली.