नवी दिल्ली - महाराष्ट्राचे दिवंगत उपमुख्यमंत्री अजित पवार यांच्या विमान अपघाताबाबत मोठी माहिती समोर आली आहे. विमानातील दोन्ही रेकॉर्डरवर आगीमुळे उच्च तापमानाचा परिणाम झाला आहे. अपघातग्रस्त विमानातील दोन्ही रेकॉर्डरमधील डेटा रिकव्हर करण्याचं काम सुरू आहे. ज्या देशात हे विमान बनवण्यात आले त्या देशातील अधिकृत प्रतिनिधींकडून याबाबत माहिती मागवण्यात येत आहे अशी माहिती एअर एक्सिडेंट ब्यूरोने दिली आहे.
अजित पवारांच्या विमान अपघातातील ब्लॅक बॉक्स सापडला होता. मात्र आगीत हा ब्लॅक बॉक्स जास्तच जळाल्याचे सांगण्यात येत होते. विमान अपघात झाला तरी ब्लॅक बॉक्स सुरक्षित राहावा यापद्धतीने त्याची रचना केलेली असते मात्र आता नागरी विमान वाहतूक मंत्रालयाने पहिल्यांदाच या अपघाताविषयी अधिकृत निवेदन करण्यात आले आहे. विमानात दोन स्वतंत्र फ्लाइट रेकॉर्डर होते, ज्यात एक डिजिटल फ्लाइट डेटा रेकॉर्डर (DFDR) आणि एक कॉकपिट व्हॉइस रेकॉर्डर (CVR) यांचा समावेश आहे. अपघातादरम्यान दोन्ही रेकॉर्डर दीर्घकाळ उच्च तापमानात होते आणि आगीमुळे त्यांचे नुकसान झाले. परंतु एल३-कम्युनिकेशन्सद्वारे निर्मित डिजिटल फ्लाइट डेटा रेकॉर्डर (डीएफडीआर) AAIB फ्लाइट रेकॉर्डर प्रयोगशाळेत यशस्वीरित्या डाउनलोड करण्यात आला असं सांगितले आहे.
तसेच या रेकॉर्डरमधील डेटा रिकव्हरीसाठी आता ज्याठिकाणी विमानाचे उत्पादन केले त्या देशाच्या अधिकृत प्रतिनिधीकडून मदत मागण्यात आली आहे. कॉकपिट रेकॉर्डरची निर्मिती हनीबेल कंपनीकडून करण्यात आली आहे. त्याबाबत डिटेल्स परिक्षण सुरू आहे. २८ जानेवारी रोजी बारामती येथे कोसळलेल्या लिअरजेट ४५ च्या दोन्ही फ्लाइट रेकॉर्डर्सना तीव्र उष्णतेमुळे गंभीर नुकसान झाले, ज्यामुळे भारतीय तपास यंत्रणांनी कॉकपिट ऑडिओ डेटा रिकव्हर करण्यासाठी विशेष परदेशी मदत घेणार असल्याचे नागरी विमान वाहतूक मंत्रालयाने म्हटले आहे.
दरम्यान, अजित पवारांच्या अपघाताबाबत १०० टक्के संशयाला जागा आहे. ब्लॅक बॉक्स हा विमानाची कितीही वाईटातील वाईट दुर्घटना झाली तरी त्यात ब्लॅक बॉक्स महत्त्वाचा असतो. आता ब्लॅक बॉक्स बंद पडला असेल तर रोहित पवारांनी जी पाऊले उचलली आहेत ती योग्य आहे. अजित पवारांच्या विमान अपघाताची निष्पक्ष चौकशी झाली आहे. या प्रकरणात सरकार संशयास्पद भूमिका घेतेय. सरकार यंत्रणांना पाठीशी घालत असल्याचे सकृत दर्शनी दिसते असा आरोप माजी विरोधी पक्षनेते अंबादास दानवे यांनी केला आहे.
Web Summary : Both recorders in Ajit Pawar's plane crash were damaged by fire. Data recovery efforts are underway with international assistance. The recorders sustained high-temperature damage. Suspicion surrounds the accident, demanding impartial inquiry, says Ambadas Danve.
Web Summary : अजित पवार के विमान दुर्घटना में दोनों रिकॉर्डर आग से क्षतिग्रस्त हो गए। अंतर्राष्ट्रीय सहायता से डेटा पुनर्प्राप्ति के प्रयास जारी हैं। रिकॉर्डर उच्च तापमान से क्षतिग्रस्त हो गए थे। अंबादास दानवे का कहना है कि दुर्घटना को लेकर संदेह है, निष्पक्ष जांच की मांग की गई है।