काँग्रेस-राष्ट्रवादीसोबत सरकार नको अशी भूमिका घेत शिवसेनेच्या आमदारांनी महाविकास आघाडीपासून फारकत घेतली. त्यामुळे ठाकरे सरकार अल्पमतात आले. त्यानंतर उद्धव ठाकरे यांनी आपल्या मुख्यमंत्रिपदाचा राजीनामा दिला होता. त्यानंतर दुसऱ्याच दिवशी म्हणजे गुरूवारी एकनाथ शिंदे यांनी मुख्यमंत्रिपदाची शपथ घेतली. तर दुसरीकडे देवेंद्र फडणवीस हे नव्या सरकारमध्ये उपमुख्यमंत्री म्हणून सहभागी झाले. दरम्यान, यापूर्वी फडणवीस यांनी आपण सरकारमध्ये सहभागी नसू असं ते म्हणाले होते. परंतु नतंर त्यांनी उपमुख्यमंत्रिपदाची शपथ घेतली.
“एक प्रामाणिक कार्यकर्ता म्हणून पक्षाच्या आदेशाचे मी पालन करतो. ज्या पक्षाने मला सर्वोच्च पद दिले, त्या पक्षाचा आदेश मला शिरोधार्य आहे,” असं देवेंद्र फडणवीस म्हणाले. त्यांनी केंद्रीय गृहमंत्री अमित शाह यांच्या ट्वीटला रिट्वीट करत आपली प्रतिक्रिया दिली.