लोकमत न्यूज नेटवर्कपुणे : शिक्षण हक्क कायद्यांतर्गत (आरटीई) २५ टक्के आरक्षित जागांवरील प्रवेशासाठी राज्यातील ९ हजार ११३ शाळांनी नोंदणीकेली असून या शाळांमधील एक लाख १२ हजार ९५७ जागांवर विद्यार्थ्यांना प्रवेश दिला जाणार आहे. त्यासाठी बुधवारपासून (ता.१२) आॅनलाईन पद्धतीने अर्ज स्वीकारले जाण्याची शक्यता आहे. तर मार्चमध्ये प्रवेशाची सोडत काढली जाईल,असे शिक्षण विभागातील अधिकाऱ्यांनी सांगितले.शिक्षण विभागातर्फे आरटीई प्रवेशासाठी आॅनलाईन प्रवेश प्रकिया राबविली जात असून, काही दिवसांपासून राज्यातील शाळांची नोंदणी सुरू आहे.
त्यानुसार पुण्यातील सर्वाधिक ९२१ शाळांनी नोंदणी केली असून या शाळांमधील १६ हजार ५१ जागांवर प्रवेश दिले जाणार आहेत. त्यात आणखी काही शाळांची वाढ होण्याची शक्यता आहे.पुण्यापाठोपाठ ठाणे, नागपूर आणि औरंगाबाद या शहरात आटीई प्रवेशासाठी नोंदणी करणाºया शाळांची संख्या मोठी आहे.
राज्य शासनाकडून शाळांना शुल्क परताव्याची रक्कम दिली जात नसल्याने शाळांनी आरटीई प्रवेशासाठी नोंदणी करण्यास नकार दिल्याचे दिसून आले आहे.परंतु, सर्व शाळांनी आरटीईमध्ये सहभागी व्हावे, यासाठी शिक्षण विभागाकडून प्रयत्न केले जात आहे.
आरटीई प्रवेशासाठी नोंदणी केलेल्या शाळांची जिल्हानिहाय संख्या : यवतमाळ - २०० , वाशिम- ९९, वर्धा- १२२ , ठाणे- ६६८ , सोलापूर- ३२९, सिंधूदूर्ग- ५१ , सातारा- २३६ , सांगली- २२६ , रत्नागिरी- ९० , रायगड- २६२, पुणे- ९२१ , परभणी- १४७ , पालघर- २६९, उस्मानाबाद- १३१, नाशिक- ४४६, नंदुरबार- ४४, नांदेड- २३१ , नागपूर- ६७३ , मुंबई- २९२, लातूर- २३५, कोल्हापूर- ३४० , जालना- २५३ , जळगाव- २८६ , हिंगोली- ६९, गोंदिया- १४१, गडचिरोली- ६१, धुळे- १०३, चंद्रपूर- १९७, बुलढाणा- ९३, बीड - २२०, भंडारा- ९३, औरंगाबाद- ५४४, अमरावती- २४०, अकोला- २००, अहमदनगर- ३९३.