पुणे : महाराष्ट्र राज्य परीक्षा परिषदेने इयत्ता पाचवी आणि आठवीचे शिष्यवृत्ती परीक्षेचे वेळापत्रक जाहीर केले आहे. या परीक्षा १८ फेब्रुवारी रोजी होणार असून, ८ नोव्हेंबरपासून आॅनलाइन अर्ज भरता येणार आहेत.इयत्ता पाचवीतील विद्यार्थ्यांना शिष्यवृत्ती परीक्षेबरोबरच विमुक्त जाती व भटक्या जमाती विद्यानिकेतन प्रवेश परीक्षा, आदिवासी विद्यानिकेतन प्रवेश परीक्षा व शासकीय विद्यानिकेतन प्रवेश परीक्षाही याच दिवशी घेतली जाणार आहे. शिष्यवृत्ती परीक्षा दि. १८ फेब्रुवारी रोजी सकाळी ११ ते १२.३० यावेळेत प्रथम भाषा व गणित आणि दुपारी १.३० ते ३ या वेळेत तृतीय भाषा व बुद्धिमत्ता चाचणी या विषयांच्या परीक्षा होणार आहेत. अधिक माहितीसाठी परीक्षा परिषदेच्या www.mscepune.inwww.puppss.mscescholarshipexam.in या संकेतस्थळावर भेट द्यावी, असे आवाहन करण्यात आले आहे.
शिष्यवृत्ती परीक्षेचे वेळापत्रक जाहीर, १८ फेब्रुवारीला शिष्यवृत्ती परीक्षा
By लोकमत न्यूज नेटवर्क | Updated: October 10, 2017 03:40 IST