अहमदनगर येथील जिल्हा सामान्य रुग्णालयातील आयसीयू कोरोना कक्षाला आग लागल्याची घटना घडली होती. यामध्ये ११ जणांचा मृत्यू झाला होता. त्यानंतर या घटनेच्या चौकशीचे आदेश राज्य सरकारकडून देण्यात आले होते. या प्रकरणी आता सहा जणांवर कारवाई करण्यात आल्याची माहिती आरोग्यमंत्री राजेश टोपे यांनी दिली आहे.
या प्रकरणी जिल्हा शल्य चिकित्सक डॉ. सुनील पोखरणा यांचं निलंबन करण्यात आलं आहे. तसंच वैद्यकीय अधिकारी डॉ.सुरेश ढाकणे, वैद्यकीय अधिकारी डॉ. विशाखा शिंदे यांचंदेखील निलंबन करण्यात आलं आहे. तर परिचारिका सपना पाठारे यांचं निलंबन करण्यात आलं असून परिचारिका आस्मा शेख आणि चन्ना आनंत यांची सेवा समाप्त करण्यात आल्याची माहिती राजेश टोपे यांनी दिली.