१४०४ शाळांवर कारवाई; सर्वाधिक बोगस पटपडताळणी धुळ्यात

राज्यभरात विद्यार्थ्यांची खोटी पटसंख्या नोंदविणाऱ्या सुमारे एक हजार ४०४ शाळा असल्याचे निदर्शनात आले. यामध्ये अनुदानित व विनाअनुदानित आश्रमशाळांसह जिल्हा परिषद, महापालिका आणि शैक्षणिक संस्थांच्या खासगी शाळांचा सर्वाधिक समावेश आहे.

- सुरेश लोखंडेठाणे : राज्यभरात विद्यार्थ्यांची खोटी पटसंख्या नोंदविणाऱ्या सुमारे एक हजार ४०४ शाळा असल्याचे निदर्शनात आले. यामध्ये अनुदानित व विनाअनुदानित आश्रमशाळांसह जिल्हा परिषद, महापालिका आणि शैक्षणिक संस्थांच्या खासगी शाळांचा सर्वाधिक समावेश आहे. या शाळांनी कागदोपत्री जास्त विद्यार्थी संख्या दाखवून शासनाची फसवणूक केली आहे. त्यामुळे संबंधित शाळेचे मुख्याध्यापक, संचालक, शिक्षक आदींवर फौजदारीच्या कारवाईचा बडगा उगारण्याचे आदेश आहेत. मात्र, अंमलबजावणीस विलंब होत असल्यामुळे तर्कवितर्क काढले जात आहेत.सुमारे सात वर्षांपूर्वी महसूल विभागाने खोटी पटसंख्या नोंदविणाºया शाळांची पटपडताळणी केली आहे. राज्यभरातील ३५ जिल्ह्यांमधील शाळांत ती सलग तीन दिवस करण्यात आली. यातून एक हजार ४०४ प्राथमिक व माध्यमिक शाळांमध्ये बोगस पटसंख्या नोंदविल्याचे निदर्शनात आहे. राज्यभरातून केवळ दीड लाख विद्यार्थी बोगस असल्याचे बोलले जात आहे. मात्र, ही विद्यार्थी संख्या अधिक असण्याची शक्यता आहे.या पटपडताळणीमध्ये राज्यभरातील एक हजार ४०४ शाळांमध्ये बोगस विद्यार्थी पटसंख्या आढळली. त्यामधील विद्यार्थी संख्या दीड लाखापेक्षा नक्कीच जास्त असण्याची शक्यता आहे. खोटी पटसंख्या नोंदविणाºया राज्यात सर्वाधिक धुळे जिल्ह्यात सुमारे ३९४ शाळा आढळल्या. यात जिल्हा परिषदेच्या १७ शाळा आहेत. याखालोखाल नांदेड जिल्ह्यात १७७ शाळा असून त्यात २७ जिल्हा परिषदेच्या आहेत. तर, जळगाव जिल्ह्यातील ११८ शाळांमध्ये जि.प.च्यादेखील १७ शाळा आहेत. नागपूरला १२७ शाळा असून त्यात जि.प.च्या १४ आहेत. सोलापूरच्या ११५ शाळांमध्ये जि.प.च्यादेखील नऊ, तर रायगडमधील ११८ शाळा असून आठ जि.प.च्या शाळांचा समावेश आहे. अन्य जिल्ह्यांमध्ये मात्र शंभरपेक्षा कमी शाळांचा समावेश असून त्यातही महापालिका, नगरपालिका, जिल्हा परिषदा आणि आश्रमशाळांचा व अनुदानित-विनाअनुदानित खासगी शैक्षणिक संस्थांच्या शाळांचा समावेश आहे.खोटी विद्यार्थी पटसंख्या नोंदवलेल्या ३५ जिल्ह्यांमधील शाळांची संख्याजिल्हा शाळाठाणे ७५रायगड ११०कोल्हापूर ००५सांगली ००७सातारा ०११रत्नागिरी ००७सिंधुदुर्ग ००९लातूर ०७१नांदेड १७७उस्मानाबाद ०१४औरंगाबाद ०५५बीड ०३८हिंगोली ००६जालना ०३०परभणी ०५७सोलापूर ११५नंदुरबार ०४८धुळे ३९४जळगाव ११८नाशिक ०३३बुलडाणा ०१५यवतमाळ ०२३भंडारा ०१३गोंदिया ०१३वर्धा ००८नगर ०१३चंद्रपूर ०४२पुणे ०३२वाशिम ०१२अमरावती ०२३अकोला ०२२मुंबई ०५२नागपूर १२७गडचिरोली ०३७पालघर ००३- राज्यात सर्वाधिक ठाणे जिल्ह्यातील सात हजार ३१९ शाळांची पडताळणी झाली. त्यातील२० लाख १० हजार ५४५ विद्यार्थ्यांमध्ये सुमारे १० टक्के विद्यार्थ्यांची नोंद बोगस असल्याचे उघड झाले.- पालघर जिल्ह्यात केवळ तीन शाळा, तर ठाण्यामध्ये सुमारे ७५ शाळा बोगस विद्यार्थी पटसंख्या नोंदविणाºया असल्याचे शिक्षण विभागाने सांगितले. त्यांची चौकशी करून कारवाई करण्यात येत असल्याचे सांगितले.