मध्य प्रदेश : मध्य प्रदेशच्या इंदौरहून नाशिकला येणाऱ्या मध्य प्रदेश परिवाहनच्या बसला भीषण अपघात झाला आहे. ही बस बिजासन घाटात आली असता मागून येणाऱ्या ट्रकचे ब्रेक फेल झाल्याने अनियंत्रित होऊन तो समोरील बसवर आदळला. यामध्ये दोघांचा मृत्यू झाला आहे, तर ३० प्रवासी जखमी झाले आहेत.
धुळ्यानजीकच्या महाराष्ट्र-मध्य प्रदेश सीमेवर हा अपघात झाला आहे. सकाळी सव्वा दहाच्या सुमारास ही घटना घडली आहे. ब्रेकफेल ट्रकने बसला मागून धडक दिल्याने बस मुंबई आग्रा राष्ट्रीय महामार्ग क्रमांक तीनवर पलटली होती. ही बस शेंधवाहून शिरपूरच्या दिशेने निघाली होती.
अपघाताची माहिती मिळताच घटनास्थळी बिजासन पोलीस दाखल झाले. बस रस्त्यावरच पलटी झाल्याने वाहतूक खोळंबली होती. नागरिकांच्या मदकार्य करण्यात आले. यावेळी जखमींना शेंधवा ग्रामीण रुग्णालयात दाखल करण्यात आले आहे. मृतांची नावे समजू शकलेली नाहीत.