जुगार अड्ड्यावर पोलिसांचा छापा; जुगार साहित्यासह ऐवज जप्त

किल्लारी पोलीस ठाणेअंतर्गत लामजना ते तपसे चिंचोली जाणाऱ्या रोडवर एक जण लोकांकडून पैसे घेऊन मटक्यावर लावून जुगार खेळत व खेळवीत असताना आढळून आला. यावेळी पोलिसांनी जुगार साहित्य व रोख ३ हजार ७९० रुपये व अन्य साहित्य असा एकूण १३ हजार ७९० रुपयांचा मुद्देमाल जप्त केला. याबाबत पोहेकाॅ अंगद कोतवाड यांनी दिलेल्या फिर्यादीवरून रावसाहेब लिंबाजी कांबळे (रा. लामजना) यास पोलिसांनी याच्याविरुद्ध गुन्हा नोंद केला आहे. तर वाढवणा पोलीस ठाणेअंतर्गत लोकांकडून पैसे घेऊन आकड्यावर कल्याण नावाचा मटका खेळत व खेळवत असताना मंजूर बशीर शेख, रा. वाढवणा हा आढळून आला. यावेळी पोलिसांनी त्याच्याकडून जुगार साहित्यासह रोख १२३५ रुपये, असा ऐवज जप्त केला. याबाबत पोलीस नाईक प्रदीप नरसिंग घोरपडे यांनी दिलेल्या फिर्यादीवरून वाढवणा पोलीस ठाण्यात गुन्हा नोंद करण्यात आला आहे. पुढील तपास पोना कलकत्ते करीत आहेत.