लातूर : जिल्ह्यातील टाका (ता. औसा) शिवारात सुरू असलेल्या जुगारावर स्थानिक गुन्हे शाखेच्या पथकाने साेमवारी रात्री छापा मारून १५ जुगाऱ्यांना पकडले. यावेळी एकूण ११ दुचाकींसह जुगाराचे साहित्य, राेख रक्कम असा एकूण ५ लाख ५ हजारांचा मुद्देमाल जप्त केला आहे. याबाबत भादा पाेलिस ठाण्यात गुन्हा दाखल करण्यात आला आहे.
पाेलिसांनी सांगितले की, औसा तालुक्यातील बेलकुंड साखर कारखाना ते गुळखेडा मार्गावर टाका शिवारात एका शेतात जुगार सुरू असल्याची माहिती खबऱ्याने लातूर येथील स्थानिक गुन्हे शाखेचे पाेलिस निरीक्षक संजीवन मिरकले यांना दिली. या माहितीची खातरजमा करून या जुगारावर छापा मारण्याचे आदेश दिले. पाेलिसांनी रात्रीची वेळ असल्याने घटनास्थळाचा शाेध घेत अचानकपणे टाका शिवारात एका शेतात सुरू असलेल्या जुगारावर छापा मारला.
यावेळी १५ जुगाऱ्यांना पकडण्यात पथकाला यश आले आहे. त्यांच्याकडून ११ दुचाकी, जुगाराचे साहित्य आणि राेख रक्कम १३ हजार ५०० रुपये असा ५ लाख ५ हजार रुपयांचा मुद्देमाल जप्त केला आहे. ताब्यातील १५ जुगाऱ्यांविराेधात भादा पाेलिस ठाण्यात गुन्हा दाखल केला आहे. ही स्थागुशाचे कारवाई पाेहकाॅ. राहुल साेनकांबळे, नितीन कटारे, मनाेज खाेसे, राहुल कांबळे, चालक पाेकाॅ. प्रदीप चाेपणे यांच्या पथकाने केली.