लातूर : शिवाजीनगर पाेलिस ठाण्याचे पाेलिस निरीक्षक दिलीप डाेलारे यांची पाेलिस अधीक्षक साेमय मुंडे यांनी तातडीने थेट नियंत्रण कक्षामध्ये बदली केली आहे.
लातूर शहरात मध्यवर्ती ठिकाणी असलेल्या शिवाजीनगर पाेलिस ठाण्याच्या हद्दीत उद्याेग भवन परिसरात एका अल्पवयीन मुलीचा पाठलाग करुन विनयभंग केल्याची घटना दाेन दिवसापूर्वीच घडली हाेती. दरम्यान, शिवाजीनगर ठाण्याच्या पाेलिसांनी आराेपीला दाेन दिवसांपासून ताब्यात घेतले हाेते. मात्र, पाेलिसांच्या हातावर तुरी देत आराेपीने ठाण्यातूनच धूम ठाेकली. या प्रकरणी वरिष्ठ अधिकाऱ्यांनी कर्तव्यावर असलेल्या पाेलिस कर्मचाऱ्यांचे जबाब नाेंदविले असल्याची माहिती समाेर आली. दरम्यान, याच प्रकरणाची गंभीर दखल पाेलिस अधीक्षकांनी घेतल्याची चर्चा पाेलिस दलात आहे. दरम्यान, पाेलिस अधीक्षक साेमय मुंडे यांनी पाेलिस निरीक्षक दिलीप डाेलारे यांची तडकाफडकी पोलिस नियंत्रण कक्षामध्ये बदली केली आहे. पाेलिस ठाण्यातून संशयित आराेपी फरार हाेण्याचा प्रकार पाेलिस निरीक्षकांना अंगलट आला असावा, अशी चर्चा सध्या आहे.
प्रशासकीय कारणावरून बदली...शिवाजीनगर ठाण्याचे पाेलिस निरीक्षक दिलीप डाेलारे यांच्या बदलीबाबत जिल्हा पाेलिस अधीक्षक साेमय मुंडे यांच्याशी संपर्क साधला असता, ते म्हणाले, डाेलारे यांची बदली प्रशासकीय कारणावरून करण्यात आली आहे.