राजकुमार जोंधळे
लातूर : अल्पवयीन मुलीच्या लैंगिक अत्याचाप्ररकणी एकाला उदगीर येथून अटक केली असून, याबाबत उदगीर ग्रामीण पाेलीस ठाण्यात गुन्हा दाखल केला आहे.
पाेलिसांन सांगितले, उदगीर येथील सहयाेग नगर, बनशेळकी राेड परिसरात राहणाऱ्या आराेपीच्या घराशेजारी वास्तव्याला असलेली सहा वर्षाची मुलगी खेळत हाेती. दरम्यान, आराेपीने पीडित मुलीला स्वत:च्या घरात नेवून लैंगिक अत्याचार केल्याचे पीडितेच्या आईने दिलेल्या तक्रारीत म्हटले आहे. ही घटना १४ डिसेंबर राेजी घडली. याबाबत उदगीर ग्रामीण पाेलीस ठाण्यात दिलेल्या तक्रारीवरुन ४८ वर्षीय आरोपीविराेधात गुरनं. ५९८/२०२२ कलम ३७६ (एबी), ३५४ (ए) भादंवी, बाल लैगीक अत्याचार प्रतिबंधक कायदा २०१२ कलम ८, १०, १२ अन्वये गुन्हा दाखल करण्यात आला आहे. पाेलिसांनी आराेपीला अटक केली आहे.
घटनास्थळी उपविभागीय पाेलीस अधिकारी डॅनियल बेन, पाेलीस निरीक्षक दिपककुमार वाघमारे, पाेलीस उपनिरीक्षक चेरले यांनी भेट दिली.