राजकुमार जाेंधळे, लातूर : शहरातील कापड लाइन परिसरातील एका तीन मजली कापड दुकानाला रविवारी रात्री आग लागल्याची घटना घडली. यामध्ये या आगीमध्ये दुकानातील माल जळून खाक झाला असून, माेठे नुकसान झाले असल्याचा अंदाज आहे. अग्निशमन दलाच्या जवानांनी शर्थीचे प्रयत्न करून आग आटाेक्यात आणली. ही आग कशी लागली, याचे कारण मात्र समजू शकले नाही.
लातूर शहरातील प्रमुख बाजारपेठ असलेल्या गंजगाेलाई परिसरात कापड लाइनमध्ये पूनम मॅचिंग क्लाॅथ सेंटरला रविवारी रात्री अचानक आग लागली. तीन मजली असलेल्या दुकानाच्या वरच्या मजल्यावरून आगीला सुरुवात झाली हाेती. दरम्यान, आग लागल्यानंतर या भागातील वीजपुरवठा बंद करण्यात आला. यावेळी दुकानातील सर्व कर्मचारी बाहेर पडले. सुदैवाने यामध्ये कुठलीही जीवित हानी झाली नाही. मात्र, माेठ्या प्रमाणावर दुकानातील माल जळून खाक झाला आहे.
घटनास्थळी दाेन अग्निशमन गाड्या...
घटनेची माहिती मिळताच अग्निशमन दलाच्या दाेन गाड्या तातडीने घटनास्थळी दाखल झाल्या. मात्र, अरुंद रस्त्यामुळे या गाड्यांना यायला अडथळ्यांची शर्यत पार करावी लागली. काही वेळामध्ये जवानांनी ही आग आटाेक्यात आणली. यावेळी बघ्यांची माेठ्या प्रमाणावर गर्दी जमली हाेती.