Kolhapur: टस्कर हत्तीची जेऊरजवळ रस्त्यावर दहशत; ऊस, केळी पिकांचे केले नुकसान

अचानक रस्त्यावर येऊन टस्करने चितकारण्यास सुरुवात केली

आजरा : आजरा-चंदगड रस्त्यावरील जेऊर कासार-कांडगावजवळील जंगल क्षेत्रातील रस्त्यावर टस्कर हत्तीने काल सायंकाळी दहशत माजविली. अचानक रस्त्यावर येऊन टस्कर हत्तीने चितकारण्यास सुरुवात केली. त्यामुळे चंदगडहून आजऱ्याकडे येणारे व आजऱ्यातून आपल्या गावी जाणारे नागरिक भीतीने माघारी फिरले. रात्री या टस्कर हत्तीने कासार-कांडगाव व जेऊर भागातील ऊस, केळी पिकांचे नुकसान केले आहे. गेले आठ दिवस हत्ती या भागात तळ ठोकून आहे.