आजरा : आजरा आंबोली रस्त्यावर मसोली तिट्ट्याजवळील आवाडे पुलावर ट्रॅव्हल्सची तवेरा कारला समोरून जोराची धडक झाली. या अपघातात दहा जण गंभीर जखमी झाले आहेत. या अपघातात तवेरा कारचा चक्काचुरा झाला आहे. अपघातानंतर आजरा-आंबोली मार्गावरील वाहतूक ठप्प झाली होती.अक्षय प्रकाश तानवडे, बाबासाहेब गणपती तानवडे, शकुंतला बाबासाहेब तानवडे, लक्ष्मी दौलती तानवडे, लता सोमनाथ मळेकर, गीता एकनाथ पाटील, राजेंद्र दौलती तानवडे, गीता अंबाजी मळेकर, भीमराव महादेव मळेकर, महेश्वरी राजेंद्र तानवडे अशी या जखमींची नावे आहेत. हे सर्व जण देवर्डे (ता. आजरा) येथील आहेत.याबाबत माहिती अशी की. जखमी झालेले हे दहा जण पेरणोली येथे गुळ भात करून देवर्डे या गावी तवेरा कारमधून निघाले होते. दरम्यान कोल्हापूरकडे जाणाऱ्या ट्रॅव्हल्सने तवेरा कारला समोरून जोराची धडक दिली. यामध्ये तवेरा गाडीचा चक्काचूर झाला आहे. सर्व जखमींना गडहिंग्लज येथील खासगी रुग्णालयात दाखल करण्यात आले आहे.
आजऱ्याजवळ ट्रॅव्हल्सची कारला समोरून जोराची धडक, दहा जण गंभीर जखमी
By लोकमत न्यूज नेटवर्क | Updated: December 10, 2021 19:13 IST