:
पाचगाव : दक्षिण मतदारसंघातील प्रत्येक गावांमध्ये पालकमंत्री सतेज पाटील यांच्या मार्गदर्शनाखाली क्रीडांगण उभारण्यासाठी प्रयत्नशील आहे, अशी ग्वाही आमदार ऋतुराज पाटील यांनी दिली. ते पाचगाव येथे उभारण्यात आलेल्या क्रीडा संकुलमधील व्यायामशाळा आणि कुस्ती आखाड्याच्या उद्‌घाटनप्रसंगी बोलत होते.
यावेळी पाटील म्हणाले की, खेळ हा आपल्या सर्वांच्या जीवनाचा महत्त्वाचा भाग आहे. खेळामुळे हार-जीत पचवायची ताकद निर्माण होते. मातीतील कुस्तीबरोबर मॅटवरील कुस्तीही तितकीच महत्त्वाची आहे. त्यामुळे या कुस्ती संकुलमध्ये ३ लाख रुपयांचे मॅट उपलब्ध करून देण्यात आले आहे. यापुढील काळातही दक्षिणमधील खेळ आणि खेळाडूंना प्रोत्साहन देण्यासाठी प्रयत्न राहतील, अशी ग्वाही त्यांनी दिली.
यावेळी, लोकनियुक्त संग्राम पाटील, उपसरपंच भाग्यश्री दळवी, नारायण गाडगीळ, संजय पाटील उपस्थित होते.
फोटो : १५ पाचगाव पाटील
ओळ : पाचगाव येथे उभारण्यात आलेल्या क्रीडा संकुलमधील व्यायामशाळा आणि कुस्ती आखाड्याचे उद्घाटन आमदार ऋतुराज पाटील यांच्या हस्ते करण्यात आले. यावेळी लोकनियुक्त संग्राम पाटील, उपसरपंच भाग्यश्री दळवी उपस्थित होते.