कोल्हापूर : सरकारने पुरविलेल्या औषधांची ‘सीपीआर’मधील औषध दुकानांतून विक्री झालेल्या प्रकरणातून रॅकेट उघडकीस येण्याची शक्यता आहे. ‘नॉट फॉर सेल’ची औषधे विक्री करणाऱ्या जीवनधारा मेडिकल स्टोअर्सला औषध पुरवठा करणाऱ्या ओम सर्जिकल्स या मुख्य वितरकावर अन्न व औषध प्रशासनाने छापा टाकून त्याच्याकडील औषधसाठ्याची दिवसभर तपासणी केली. हे प्रकरण मिटविण्यासाठी सहभागी असणाऱ्यांची धावाधाव सुरू असून, सहभागी रॅकेटचे पितळ उघडे पडण्याची शक्यता आहे.सरकारने शासकीय रुग्णालयांसाठी पुरविलेली व बाहेर विक्रीसाठी परवानगी नसलेली (नॉट फॉर सेल) औषधे छत्रपती प्रमिलाराजे रुग्णालयाच्या आवारातील जीवनधारा औषध दुकानातून ‘सीपीआर’मधील रुग्णांना विकली जात असल्याचा धक्कादायक प्रकार सोमवारी (दि. १५) उघडकीस आला.महिलेच्या प्रसूती शस्त्रक्रियेवेळी वापरण्यात येणारे ‘कॅटगर्ट’ हे औषधी किट सोमवारी (दि. १५) जीवनधारा मेडिकल स्टोअर्समधून सीपीआर रुग्णालयातील रुग्णांच्या नातेवाइकांना विकण्यात आले; पण हे ‘कॅटगर्ट’ किट सरकारने पुरविलेले व त्यावर ‘नॉट फॉर सेल’असा स्पष्ट उल्लेख असतानाही ते खासगी मेडिकल स्टोअर्समधून विकले कसे गेले? सरकारने पुरविलेली औषधे बाहेर खासगी मेडिकलमार्फत विक्री करणारे रॅकेट कार्यरत असल्याचेच यावरून स्पष्ट झाले आहे.जीवनधारा मेडिकल स्टोअर्समधील औषधसाठ्याची अन्न व औषध प्रशासनाने मंगळवारी (दि. १६) दिवसभर तपासणी केली. ‘जीवनधारा’ला औषध पुरवठा करणाऱ्या येथील महाराणा प्रताप चौकानजीकच्या ओम सर्जिकल्स या मुख्य वितरकावरही अन्न औषध प्रशासनाने छापा टाकून त्यांच्याही औषधसाठ्यांची तपासणी सुरू केली. सायंकाळी उशिरापर्यंत ही तपासणी सुरू होती.गोपनीय पथक कार्यरतसरकारने पुरविलेली औषधे खासगी औषध दुकानांतून विकली कशी जातात? ती औषधे तेथे कशी पोहोचली? त्यामध्ये कोण-कोण सामील आहेत? याबाबत रॅकेट कार्यरत असल्याच्या संशयात भर पडल्याने या प्रकरणाची चौकशी करून त्याच्या मुळापर्यंत पोहोचण्याचे आदेश राजर्षी शाहू शासकीय वैद्यकीय महाविद्यालयाचे अधिष्ठाता डॉ. अजित लोकरे यांनी दिले आहेत. त्यानुसार ‘सीपीआर’मधील अधिकाºयांचे पथक कार्यरत केले असून, ते गोपनीय पद्धतीने माहिती गोळा करीत असल्याचे विश्वसनीय सूत्रांकडून समजले आहे.‘जीवनधारा’च्या छाप्यात आढळले किटजीवनधारा मेडिकल स्टोअर्समध्ये मंगळवारी अन्न व औषध प्रशासनाने केलेल्या औषधसाठ्याच्या तपासणीमध्ये ‘कॅटगर्ट’ हे औषधी किट मिळून आले असून, त्यावर ‘गव्हर्न्मेंट सप्लाय, नॉट फॉर सेल’ असा शासनाचा शिक्का मिळाल्याचे विश्वसनीय वृत्त आहे.अधिकाऱ्यांवर दबावजीवनधारा या मेडिकल स्टोअर्सला औषध पुरवठा करणाऱ्या ओम सर्जिकल या मुख्य वितरकावर छापा टाकून त्याच्या औषधसाठ्याची तपासणी सुरू असताना एका सामाजिक कार्यकर्त्याने अन्न व औषध प्रशासनाच्या तपासी अधिकाऱ्यांवर दबाव आणण्याचा प्रयत्न केला. त्यांनी ही माहिती फोनवरून मुख्य कार्यालयास कळविल्यानंतर कार्यालयातील काही कर्मचारी तेथे गेले असता त्या सामाजिक कार्यकर्त्याने पलायन केले.