हणबर बांधवांच्या एकीमुळे गडहिंग्लजला खळबळ !

समाजाची निर्णायक मते : हलकर्णी जिल्हा परिषदेसाठी राष्ट्रवादी, भाजपसह हत्तरकी गटाकडे उमेदवारीची मागणी

राम मगदूम--- गडहिंग्लज तालुक्यात १२ हजार आणि एका हलकर्णी गटात तब्बल पाच हजार निर्णायक मतदान असणाऱ्या हणबर समाजाच्या एकीमुळे गडहिंग्लजच्या राजकीय वर्तुळात खळबळ उडाली आहे. कोणत्याही परिस्थितीत हलकर्णी गटाची निवडणूक लढविण्याच्या निर्णयावर समाज ठाम असून राष्ट्रवादी, भाजपसह हत्तरकी गटाकडे उमेदवारी मागण्यात आली आहे.रविवारी कर्नाटक-महाराष्ट्रातील प्रमुख पदाधिकाऱ्यांच्या उपस्थितीत समाजाचा मेळावा झाला. त्याच मेळाव्यात समाजातर्फे हलकर्णी जिल्हा परिषदेची निवडणूक एकजुटीने लढविण्याचा निर्धार झाला. तेव्हापासूनच समाजाच्या राजकीय हालचाली गतिमान झाल्या आहेत.मंगळवारी (दि. ३१) सुकाणू समितीच्या शिष्टमंडळाने समाजातील प्रमुख गंगाधर व्हसकोटी, चंद्रशेखर पाटील व बी. एस. पाटील या तिघांनाही सोबत घेऊन उमेदवारीची मागणी केली. एखाद्या समाजाने एकत्र येऊन निवडणूक लढविण्याची तालुक्यातील ही पहिलीच वेळ आहे.सर्वसाधारण महिलेसाठी आरक्षणहलकर्णी गटाची जागा सर्वसाधारण महिलेसाठी आरक्षित आहे. त्यासाठी हत्तरकी गटाकडून व्हसकोटी व चंद्रशेखर पाटील, तर भाजपकडून बी. एस. पाटील हे आपल्या सौभाग्यवतींच्या उमेदवारीसाठी प्रयत्नशील आहेत.गडहिंग्लजमध्ये १२,००० मतेहलकर्णी गणातील हलकर्णी, नंदनवाड, कुंबळहाळ, मनवाड, तुप्पूरवाडी, तेरणी, चंदनकूड, बसर्गे व येणेचवंडी या नऊ गावांत मिळून हणबर समाजाची ५,३०० मते आहेत. ९ पैकी ८ गावांचे सरपंच, उपसरपंचपद या समाजाकडेच आहेत. याशिवाय गडहिंग्लज शहर, दुंडगे, हेब्बाळ, निलजी, मुत्नाळ, खणदाळ, माद्याळ, शेंद्री, करंबळी, हेळेवाडी, काळमवाडी, यमेहट्टी व सांबरे या गावातही समाजाचे निर्णायक मतदान आहे.यापूर्वी यांना मिळाली संधी १९७९ मध्ये आण्णाप्पा मणिकेरी यांना पंचायत समितीवर, तर १९९७ मध्ये चंद्रशेखर पाटील व २००७ मध्ये सुधाताई भागोजी गवळी या दोघांना जिल्हा परिषदेवर प्रतिनिधित्वाची संधी मिळाली होती.यांच्याकडे मागितली उमेदवारीस्व. हत्तरकी यांचे सुपुत्र सदानंद यांच्याकडे व्हसकोटी यांच्यासाठी, तर राष्ट्रवादीच्या नेत्या डॉ. नंदिनी बाभूळकर, भाजपचे जिल्हा उपाध्यक्ष मारुती राक्षे व तालुकाध्यक्ष हेमंत कोलेकर यांच्याकडे समाजासाठी उमेदवारी मागण्यात आली. मात्र, समाजाचा उमेदवार ठरविण्याचा धिकार सुकाणू समितीने आपल्याकडे ठेवला आहे.हत्तरकी गटाची झाली कोंडीस्व. हत्तरकी यांच्या पश्चात त्यांच्या गटाची सूत्रे व्हसकोटी यांच्याकडे आहेत. विविध उपक्रमांतून त्यांनी गटाला ऊर्जितावस्था आणली असून, त्यांनी पत्नीसाठी उमेदवारी मागितली आहे. मात्र, स्व. हत्तरकी यांच्या पत्नी किंवा त्यांच्या स्नुषा सदानंद यांच्या पत्नीला उमेदवारी द्यावी, असे जुन्या कार्यकर्त्यांचे मत आहे. यामुळेच हत्तरकी गटाची कोंडी झाली आहे.