ठळक मुद्देरंकाळा टॉवर येथील रस्ता १५ दिवसांनी खुलापर्यायी मार्गावर वाहतुकीची होत होती कोंडी
कोल्हापूर :रंकाळा स्टँड ते रंकाळा टॉवर येथील रस्ता अखेर १५ दिवसांनी खुला झाला. येथील डॉक्टरला कोरोना झाल्यामुळे रस्ता बंद करण्यात आला होता. पर्यायी मार्गाने येथील वाहतूक सुरु होती. कोल्हापूर, गगनबावडा हा मुख्य मार्ग असल्यामुळे पर्यायी मार्गावर वाहतुकीची कोंडी होती.रंकाळा टॉवर परिसरातील प्रसिद्ध हॉस्पिटलमधील डॉक्टरला कोरोना झाल्याने खळबळ उडाली होती. त्यामुळे रंकाळा टॉवर ते रंकाळा रोड मुख्य मार्गासह परिसरातील गल्लीमध्ये जाणारा रस्ता बँरेकडस लावून बंद केला होता.
याचबरोबर पोलीस बंदोबस्तीही तैनात करण्यात आला होता. १५ दिवसांनी रस्ता खुला झाल्याने परिसरातील व्यावसायिक, नागरीकांसह वाहनधारकांनी सुटकेचा श्वास सोडला आहे. याचबरोबर परिसरातील राष्ट्रीयकृत बँकसह सुरु झाली आहे.