ठळक मुद्दे- आजपासून पाच दिवस सुरु राहणार सोहळा
कोल्हापूर : करवीरनिवासिनी श्री अंबाबाईच्या दक्षिणाय किरणोत्सवानिमित्त गुरुवारी सायंकाळी ६ वाजून १० मिनिटांनी सूर्यकिरणे थेट अंबाबाईच्या मंदिरात जाऊन, चरणस्पर्शनांतर ती थेट चेहऱ्यावर ६ वाजून १७ मिनिटांनी उजळली. किरणे पूर्ण झाल्यानंतर भाविकांनी मोठ्या भक्तीभावाने व उत्साहाने देवीची आरती केली. स्वच्छ वातावरणामुळे किरणे देवीच्या किरीटापर्यंत येऊन लुप्त झाली. त्यानंतर भाविकांनी ‘अंबा माता की जय’चा गजर केला. त्यानंतर परंपरेप्रमाणे देवीची आरती करण्यात आली.