कोल्हापूर : विधानसभा निवडणूक प्रक्रियेसाठी जिल्ह्यात विविध ठिकाणी नियुक्त केलेल्या अधिकारी-कर्मचाऱ्यांपैकी बुधवारअखेर तीन हजार ४१ अधिकारी- कर्मचाऱ्यांनी पोस्टल मतदानाचा हक्क बजावला. यामध्ये ५९५ पोलीस अधिकारी-कर्मचाऱ्यांचा समावेश असल्याची माहिती जिल्हाधिकारी दौलत देसाई यांनी दिली.निवडणूक कर्तव्यावर जिल्ह्यात विविध ठिकाणी असणाऱ्या अधिकारी-कर्मचारी यांना पोस्टल मतदानाद्वारे मतदान करण्याची निवडणूक प्रशासनाने संधी उपलब्ध करून दिली आहे.
यामध्ये चंदगड मतदारसंघासाठी ३२८ अधिकारी-कर्मचारी, राधानगरी मतदारसंघासाठी ५१९ अधिकारी-कर्मचारी, कागल मतदारसंघासाठी ५३२ अधिकारी-कर्मचारी, कोल्हापूर दक्षिण मतदारसंघासाठी २२१ अधिकारी-कर्मचारी, करवीर मतदारसंघासाठी ४०७ अधिकारी-कर्मचारी, कोल्हापूर उत्तर मतदारसंघासाठी १२४ अधिकारी-कर्मचारी, शाहूवाडी मतदारसंघासाठी १४३ अधिकारी-कर्मचारी, हातकणंगले मतदारसंघासाठी २८१ अधिकारी-कर्मचारी, इचलकरंजी मतदारसंघासाठी १३१ अधिकारी-कर्मचारी आणि शिरोळ मतदारसंघासाठी ३४५ अधिकारी-कर्मचाऱ्यांनी पोस्टल मतदानाचा हक्क बजावला आहे.