पुढच्या वर्षी भावाला आमच्या संघातून खेळवायचे

शिवाजी तरुण मंडळाकडून खेळण्याची संधी मिळत नव्हती म्हणून नंदू तिवले यांनी स्थापन केलेल्या यंग बॉईज संघाकडून मी फुटबॉल खेळण्यास प्रारंभ केला. माझा खेळ पाहून अरुण नरके, चंदू साळोखे यांनी माझे बंधू जयसिंग इंगवले यांना ‘अरे तुझा भाऊ पुढच्या वर्षी आमच्या संघातून खेळला पाहिजे. बाकी काय सांगायचे नाही.’ असा किस्सा शिवाजी तरुण मंडळाचे माजी फुटबॉलपटू आनंदराव इंगवले हे सांगत होते. शिवाजी तरुण मंडळाची तिरंगा रंगाची जर्सी घालावी, असे पेठेतील प्रत्येक फुटबॉल खेळाडूंना वाटत असणारा तो काळ होता. मी १९७५ मध्ये अकरावी नापास झालो. त्याच काळात मलाही शिवाजी तरुण मंडळाच्या ‘अ’ नाही, तर ‘ब ’संघातून खेळण्याची इच्छा होती. मात्र, आपल्याला संधी मिळणार नाही, असे गृहीत धरून मी नंदू तिवले यांच्या यंग बॉईज संघातून मी बचावफळी उत्तम सांभाळली. हा खेळ पाहण्यासाठी गांधी मैदानात चंदू साळोखे, अरुण नरके, आदी ज्येष्ठ मंडळी हजर होती. माझा खेळ पाहून त्यांनी थेट माझ्या भावालाच सुनावले. अरे हा ‘शिवाजी’च्या संघाकडून खेळताना तो चक्क यंग बॉईजकडून खेळतोय. त्याला पुढच्या वर्षी आपल्या ‘शिवाजी’कडून खेळव, असे सुनावले. यावेळी बंधू जयसिंग यांनी सांगितले की, आपल्याकडून त्याला संधी मिळणार नाही, असे वाटल्याने त्याने यंग बॉईजकडून खेळावयास प्रारंभ केला. पुढच्या वर्षी १९७६ ला मी शिवाजी तरुण मंडळाच्या ‘ब ’ संघ व ‘अ’ संघाकडून तब्बल दहा वर्षांहून अधिक काळ खेळलो. या दरम्यान मी अखिल भारतीय विद्यापीठ स्पर्धेत शिवाजी विद्यापीठ संघाकडून खेळलो. भोपाळ विद्यापीठ विरोधात खेळताना तेथील उंचपुऱ्या खेळाडूंपुढे आमच्या विद्यापीठ संघातील खेळाडूंचा टिकाव लागला नाही. त्यामुळे आमच्यात कौशल्य असूनही १-० असा पराभव आम्हाला स्वीकारावा लागला. - शब्दांकन : सचिन भोसलेयांनी घडविलाकोल्हापूरचा फुटबॉल...